Objektet e prodhimit të dronëve ishin në shënjestër të bombardimeve që goditën disa qytete në Ukrainë, përfshirë Kievin të shtunën, në natën e Vitit të Ri, njoftoi ushtria ruse.
Bombardimet, sipas ushtrisë ruse, janë kryer për të parandaluar “sulmet terroriste” të planifikuara, ndërsa siç është paralajmëruar, sulmet në Donetsk do të vazhdojnë.
“Më 31 dhjetor 2022, Forcat e Armatosura Ruse kryen një sulm ajror me rreze të gjatë kundër objekteve të industrisë së mbrojtjes ukrainase të përfshira në prodhimin e dronëve sulmues të përdorur për të kryer sulme terroriste kundër Rusisë”, tha Ministria Ruse e Mbrojtjes.