Temperaturat e larta të këtij fillim viti kanë bërë që qytetarë të ‘guximshëm’ në Vlorë të shijojnë detin në mes të dimrit.
Ata nuk i kanë rezistuar motit me diell ndërsa janë futur dhe në ujë, duke marrë rreze dhe bërë plazh.
Sipas Shërbimit Meterologjik, java e parë e janarit ka nisur nën dominimin e kushteve të qëndrueshme atmosferike, duke bërë që orët e para të së hënë të sjellin dominim të kthjellimeve dhe vranësira të pakta në zonat malore. Ndërsa pjesa e dytë e ditës do të sjellë vranësira edhe në ultësirën perëndimore. Megjithatë nuk pritet të kemi reshje, edhe pse në zonat malore do të kemi shtim të vranësirave.
Për sa u përket temperaturave të ajrit, do të mbeten të larta në fillim të janarit duke bërë që temperaturat minimale të luhaten në vlerat dy deri në tre gradë celcius, ndërsa temperaturat maksimale parashikohet që të arrijnë deri në 17 gradë celcius, vlera dy gradë më të larta nga temperaturat normale.