Një gol i shënuar në sekondat e para të kohës shtesë nga sulmuesi plak, Arkadiusz Milik, I dha një fitore me shumë vlerë Juventusit në fushën e Cremoneses, në kuadër të javës së 16-të të Serisë A.
Vendësit mundën të rezistonin për plot 90 minuta, madje edhe të rrezikonin portën e bardhezinjve, siç ishte rasti i minutës së 69-të, kur Cyriel Dessers goditi shtyllën, por u dorëzuan në fund pas një goditjeje nga distanca e polakut Milik, që nuk u kontrollua si duhet nga portieri Carnesecchi.
“Zonja e Vjetër” me këtë sukses ruan vendin e tretë në kuotën e 34 pikëve, dy më pak se Milani.
Ndërkohë sfida mes Fiorentinës dhe Monzës u mbyll pa fitues, me rezultatin 1-1. Fillimisht shënuan vendësit me Cabral, por ekipi i Berlusconit barazoi në pjesë ne dytë me Carlos Auguston.
