Presidenti serb, Aleksandër Vuçiç, në panelin e Zgjerimit të Horizonteve Europiane në Forumin Botëror, ka folur lidhur me artikujt e qarkulluar gjatë kohëve të fundit ku e kanë quajtur si “Putin i vogël”.
Vuçiç u shpreh se këto janë komente cinike duke theksuar njëherë e mirë që Serbia nuk do të nisë një luftë dhe mbështet plotësisht integritetin territorial të Ukrainës dhe çdo rezolutë të Kombeve të Bashkuara.
“Dhe me aq sa di ka pasur 1700 artikuj të ndryshëm në media në lidhje me këtë dhe deri tani nuk kemi sulmaur askënd dhe nuk do të ndodhë. Deri tani është një koment cinik do të thtoë që nuk ka ndodhur dhe nuk do ndodhë. Është një koment brutal. Ne mbështesim integritetin territorial të Ukrainës njëjtë sit ë Serbisë. Serbia mbështet dhe respekton çdo rezolutë të Kombeve të Bashkuara”, tha Vuçiç.
