Kryeprokurori i SPAK, Altin Dumani, priti dje në zyrën e tij babain e Aleks Nikës, njëri nga viktimat e protestës së 21 janarit 2011. Audiopërgjimi i ri që mund të rihapë çështjen dhe kërkesa e familjarëve të viktimës që provat t’i dorëzojnë vetëm në prokurorinë speciale. Çfarë pritet të ndodhë dhe denocimi i ri kundër ish-kryeministri Sali Berisha, ish-ministrit të Brendshëm Lulzim Basha dhe ish-kryegardistit Ndrea Prendi për ngjarjen që la të vrarë katër persona dhe plagosi dhjetëra të tjerë.
Babai i Aleks Nikës, një prej katër qytetarëve të vrarë më 21 janar 2011 para kryeministrisë në protestën e thirrur nga opozita, takoi dje kreun e SPAK Altin Dumani. Sipas asaj që ka bërë të ditur babai i viktimës, i kërkoi Dumanit që të tërheqë dosjen nga Prokuroria e Tiranës dhe hetimet e mëtejshme për gjetjen e vrasëssve të të birit. “Ajo është pronë e jona, që ka ardh në një rrugë që e dimë vetëm ne. Në atë përgjim nuk ka shteg për interpretime, pasi është autentik dhe ja kemi dhënë ne gazetarit Artan Hoxha. E kemi dorëzuar vetëm në SPAK, sepse nuk kemi besim të Prokuroria e Tiranës, “ është shprehur Mark Nika. Ai gjithashtu ka pranuar se do dorëzojë provën e re një audiopërgjim të publikuar nga gazetari Artan Hoxha, vetëm nëse çëshjen e merr në duar SPAK. Tashmë duket se 12 vite pas ngjarjes së rëndë që la të vrarë protestuesit Ziver Veizi, Faik Myrta, Hekuran Deda dhe Aleks Nika kanë marrë një tjetër rrjedhë. Në audiopërgjim që i referohet komunikimeve në radiot marrëse-dhënëse të gardës, dyshohet se ish-Komandanti i Gardës së Republikës Ndrea Prendi jep urdhër që të qëllohet mbi protestuesit sapo ata të kalojnë gardhin rrethues të kryeministrisë. Në fakt të katër viktimat ishin shumë larg godinës së kryeministrisë. Përvëç hetimeve që prokuroria e Tiranës kishte nisur para dy vitesh, tashmë me provën e re janë vënë edhe institucionet e tjera në lëvizje. Ministri i Drejtësisë Ulsi Maja denocoi në SPAK dy ditë më parë ish-kryeministrin Sali Berisha, ish-ministrin e Brendshëm Lulzim Basha dh eish-kreun e Gardës së Republikës Ndrea Prendi. PS ka denocuar për dy akuza pasi sipas saj të tre personat duhet të hetohen për “vrasje në rrethana të tjera cilësuese” dhe “shpërdorim detyre”.
Audiopërgjimi
Pikërisht në 12-vjetorin e ngjarjes së rëndë në media u publikua nga gazetari investigativ Artan Hoxha një audiopërgjim që sipas tij tregon komunikimet në radiot e gardës të kreut të saj Ndrea Prendi dhe një strukture të vogël të vartësve të tij që njihen edhe si “grupi i zjarrit”. Për atë dosje prokuroria kreu hetimet dhe kërkoi 23 vite burgim për ish-mkomandantin Ndrea Prendi dhe 25-vite për gardistin Agim Llupo. Ata për prokurorinë u gjetën fajtorë pasi janë përgjegjës për vrasjen e Ziver Veizajt dhe Faik Mrtajt, ndërsa nuk u provua akuza për dy vrasjet e tjera të Hekuran Detës dhe Aleks Nikës. Për Dedën nuk kishte prova pasi nuk u gjet predhë pasi plumbi që mori në kokë ishte tejshpues, ndërsa për Nikën problematika qëndronte që predha ishte shumë e dëmtuar dhe nuk vërtetohej se nga cila armë ishte qitur. Pavarësisht se prokuroria kërkoi një masë të rëndë dënimi, gjykata e cilësoi veprën si “vrasje pa dashje nga pakujdesia” dhe dënoi me tr evite burgim Llupon dhe me vetëm një vit Prendin. Ndonëse çështja u ankimua në Gjykatën e Apelit dhe në Gjykatën e Lartë, dënimi I dhënë nga Gjykata e Shkallës së Parë mbeti në fuqi. Tashmë me provat e reja shihet një mundësi që dosja të rihapet, por edhe në këtë pikë ekspertët jurist e shohin si problem procedurial. Me ndryshimet ligjore në Kodin e Procedurës Pebale në vitin 2017, në kuadër të Reformës në Drejtësi, duke iu referuar nenit 449 asnjë person nuk mund të procedohet për një çështje për të cilën është dënuar, pavarësisht [provave të reja. Megjithatë tashmë mbetet në vlerësimin e Prokurorisë së Tiranës dhe të Prokurorisë Speciale SPAK për të vendosur për rihapjen ose jo të hetimeve.
