Presidenti i Ukrainës,Volodomyr Zelensky ka shprehur mirënjohjen e tij për SHBA-në dhe Presidentin Joe Biden, pas vendimit të këtij të fundit për të dërguar tanke Abrams.
Ai e konsideron marrjen e tankeve si “një hap të rëndësishëm në rrugën drejt fitores”, teksa shton se Ukraina po bën hapa para në përpjekjen për të ccliruar vendin nga pushtimi rus.
“Faleminderit Presidentit të SHBA për një vendim tjetër të fuqishëm për t’i dhënë Ukrainës tanke Abrams. Faleminderit popullit të SHBA për mbështetjen ndaj këtij vendimi! Është një hap i rëndësishëm në rrugën drejt fitores. Sot bota e lirë është e bashkuar si kurrë më parë për një qëllim të përbashkëtm çlirimin e Ukrainës. Ne po ecim përpara”, shkruan Zelensky.
Presidenti amerikan Joe Biden ka bërë me dije se SHBA do të dërgojë 31 tanke të fuqishme Abrams në Ukrainë. Në një fjalim drejtuar kombit në Shtëpinë e Bardhë, Biden i konsideroi tanket “më të aftët” në botë. Më herët, kancelari Olaf Scholz konfirmoi se Gjermania do të dërgojë 14 tanke Leopard 2 në Ukrainë dhe do të lejojë vendet e tjera të dërgojnë gjithashtu tanke.
Presidenti i Ukrainës Volodymyr Zelensky i ka përshëndetur të dy vendimet, duke i quajtur ato një “hap të rëndësishëm” drejt fitores.
Nga ana tjetër, ambasadori rus në Uashington ka paralajmëruar se çdo dërgesë e tankeve amerikane në Ukrainë, do të ishte një provokim flagrant.
