Pas kanë kaluar 3 vite e gjysmë nga vrasja e 23-vjeçarit Florian Selimi në fshatin Sulaj të Fierit, por ende nuk është vendosur drejtësia në vend për ngjarje. Vrasja ndodhi më 12 Gusht të vitit 2019, ku 23-vjeçari u gjet i vrarë me thikë në një kanal, në vendin e quajtur “Kthesa e Hamilit”.
Sot, nëna e Florian Selimit, Dukate Selimi, vijon të endet nëpër gjyqe për të birin, por edhe pse çështja ka shkuar për gjykim, ende nuk ka nisur procesi. Deri më tani janë shtyrë qëllimisht 10 seanca gjyqësore.
Florian Selimi u vra rreth orës 23:00, të dielën më datë 11 gusht. Mëngjesin e 12 gushtit, 23-vjeçari u gjet i pajetë i hedhur në kanal në fshatin Hamil, në vendin e quajtur “kthesa e Hamilit”. 23-vjeçari në vitin ishte arrestuar pasi kishte vjedhur dhe djegur një automjet në lagjen ’15 Tetori’ dhe kjo është një nga pistat ku po hetohet në lidhje me vrasjen e tij. Ndërkohë që të afërmit e Selimit kanë pretenduar se i ndjeri keqtrajtohej nga një efektiv policie, dhe për këtë arsye ja ka djegur makinën këtij të fundit.
Për vrasjen e tij u prangsën dhe më pas u liruan Kiri Merica dhe Sadri Selaci. Të rinjtë i kanë mohuar akuzat dhe janë shprehur se nuk janë ata personat që e kanë vrarë me thikë Selimin, që u gjet i hedhur në kanal.
