Pjesa verilindore e SHBA-ve është përfshirë këtë fundjavë nga temperatura në nivele të ulëta e të rrezikshme. Në pikën më të lartë, në shtetin e Nju Hempshër, në Malin Uashington, temperaturat ranë deri në -79 gradë Celsius.
Pjesa dërrmuese e shtetit të Nju Jorkut si dhe shtetet Masaçusets, Konektikat, Rod Ajlwnd, Nju Hempshër, Vermont dhe Mein, një rajon me rreth 16 milionë banorë, u përfshinë nga vala e të ftohtit të madh.
Autoritetet mbyllën të premten shkollat në Boston dhe Ustër, në Masaçusets, për shkak të shqetësimeve rreth rrezikut të hipotermisë dhe ngricave. Temperaturat e regjistruara në këto qytete të premten llogariteshin në -13 gradë celcius, e shtuna pritet të shënojë një ulje të re rekord.
Kryebashkiakja e Bostonit Michelle Wu shpalli gjendjen e jashtëzakonshme deri të dielën dhe hapi qendra ngrohjeje për të ndihmuar mbi 650,000 banorët e qytetit. Po kështu në Kabetogama të Minesotës, u regjistrua një temperaturë prej -39,5 gradë Celsius./VOA
