Yevgeny Prigozhin, themeluesi i grupit famëkeq Wagner, ka bërë thirrje që një politikan rus i cili e kritikoi atë publikisht të pushkatohet.
Për Prigozhin, i cili është gjithashtu një manjat i industrisë së ushqimit dhe është përshkruar si “kuzhinieri i Putinit”, guvernatori i Sverdlovsk, Yevgeny Kuivashev, tha që t’i përmbahej biznesit të tij ushqimor.
Kuivashev tha për gazetën lokale 66.ru: “Nëse çdo biznesmen që fiton para në ushqim përpiqet të drejtojë vendin, ne nuk do të arrijmë shumë larg.
“Të gjithë duhet të kujdesen për biznesin e tyre. Gatuani ushqimet dhe ziejini makaronat dhe ne në rajone do t’i zgjidhim gjërat vetë.”
Sipas shërbimit të tij për shtyp, shefi i Wagner u përgjigj: “Gjatë luftës së viteve 1941-45, e cila tani po përsëritet, Stalini vriste njerëz si ju. Unë mendoj se ne do të kthehemi në ato kohë së shpejti.
“Jam i sigurt se nuk është e largët koha kur njerëzit do të arrijnë pikën e vlimit”, u shpreh Prigozhin.
Prigozhin ka goditur shpesh elitën ushtarake dhe politike të Rusisë, me kritikat e tij duke u rritur me rritjen e profilit të tij. Grupi i tij paraushtarak Wagner ka qenë duke udhëhequr një ofensivë në Ukrainën lindore dhe është kredituar kryesisht për pushtimin e qytetit të Soledar.
