Këshilli Kombëtar i Integrimit mbajti këtë të enjte mbledhjen e radhës, ku i pranishëm ishte dhe Komisioneri i Zgjerimit në BE, Oliver Varhelyi.
Në fjalën e mbajtur në takim, ministrja e Jashtme Olta Xhaçka theksoi se mbajtja e Këshillit të Stabilizim Asocimit në Tiranë këtë të enjte është tregues i angazhimit të Komisionit Evropian për integrimin e Shqipërisë në BE.
“Kjo mbledhje u zhvillua për herë të parë në Tiranë. Ky është një sinjal i rëndësishëm i angazhimit dhe i përkushtimit të Komisioneri, por edhe të Komisionit në këtë proces. Mendoj se Këshilli sot demonstroi se Shqipëria dhe Bashkimi Evropian janë partner të ngushtë jo vetëm sepse këmi një marrëdhënie kontraktuale, por edhe se qënia pjesë e BE-së është zgjedhja jonë strategjike dhe ndërbreznore.
Takimi i sotëm i Stabilizim Asocimit tregoi se Shqipëria vijon të tregojë përkushtim në plotësimin e detyrave të shtëpisë dhe reformave që na afrojnë me BE-në”, tha Xhaçka.
