Komisioni Qendror i Zgjedhjeve ka dalë me një vendim në lidhje me regjistrimin e koalicionit “Bashkë Fitojmë”, pjesë e së cilës janë Partia Demokratike e Rithemelimit, Partia e Lirisë, Partia Demokristiane dhe Partia Bashkimi për të Drejtat e Njeriut.
Kreu i KQZ-së, Ilirjan Celibashi vendosi të regjistrojë koalicionin “Bashkë Fitojmë” vetëm me tre parti politike, pa përfshirë PD-në e Rithemelimit.
“Indrit Sefa përfaqëson PD-në në KQZ. Prej gati 1 viti është përfaqësuesi i PD-së dhe sa kohë nuk ka një dokument që provon të kundërtën, vazhdon të jetë përfaqësuesi i PD-së në KQZ. Mungon vullneti i PD-së për të qenë pjesë e këtij koalicioni. E njëjta situatë ka qenë edhe në shkurt 2022. Në konkluzion dhe në analizë të të gjithë çfarë përmenda do regjistrojmë koalicionin “Bashkë Fitojmë” me 3 parti, PL, PBDNJ dhe PDK”, tha ai.
