test

Ruud van Nistelrooy tregon “pengun” e karrierës: “Nuk duhet të isha larguar nga ai klub”

113 563 lexime

124,178FansaPëlqeje

Van Nistelrooy rrëfen pengun e karrierës. Ish-sulmuesi holandez ka hapur një etapë të re në karrierë si trajner i PSV Eindhoven. Ai është në sezonin e tij të parë dhe menjëherë ia ka dalë fitojë Superkupën, ndërsa në Eredivisie mban vendin e tretë.

Sidoqoftë, holandezi nuk mund ta harrojë lehtë karrierën e tij të madhe si futbollist, ku ka spikatur me performancat si lojtar i Man.United dhe Real Madrid, teksa në një intervistë të dhënë së fundmi ka folur edhe për pengun e tij më të madh.

“Real Madrid drejtohej nga Manuel Pellegrini në atë kohë dhe në verën e 2009-ës u afruan Cristiano Ronaldo, Kaka e Karim Benzema, kështu që nuk kishte më vend për mua. E kuptova fatin tim, rashë dakord me vendimin e klubit dhe u largova. Isha 33 vjeç, doja që të luaja edhe në Botërorin e 2010, kështu që vendosa të transferohem tek Hamburgu. Ishte një vendim i nxituar. Nëse do të kthehesha pas në kohë, nuk do të largohesha nga Madridi, ishte gabimi më i madh i karrierës. Gjithashtu nuk ishte dhe koha e duhur që familja ime të lëvizte”, përfundoi Van Nistelrooy.

Ish-sulmuesi holandez përjetoi dy periudha mjaft të suksesshme tek Manchester United dhe Real Madrid në fillimet e viteve 2000. Ai arriti të bëhej protagonist me shumë gola dhe të fitonte trofe të rëndësishëm. Tanimë, holandezi po provon veten në botën e trajnimit, ku i ka bërë një start premtues periudhës së tij menaxheriale tek PSV Eindhoven.

Të fundit

Sheshi ‘Skënderbej’ i zënë për Evropianin/ Ja ku do falen nesër besimtarët myslimanë

Komuniteti Mysliman i Shqipërisë ka njoftuar besimtarët myslimanë se falja e Kurban Bajramit do të jetë në datën 16...

Sokol Mëngjesi doli nga koma, reagon e motra: Sytë e tij u zgjuan nga një ëndërr e keqe

“U zgjua nga ëndrra e keqe” Avokati Sokol Mëngjesi  I cili ishtë në gjëndje kome prej 29 majit është zgjuar nga koma ndërsa vijon...

Zvicër/ 100 liderë botërorë mblidhen sot në përpjekje për planin e paqes në Ukrainë!

Njëqind delegacione do të marrin pjesë në Konferencën e Paqes për Ukrainën në Zvicër, duke përfshirë 57 krerë shtetesh dhe qeverish nga e gjithë...

Gëzim Baruti ngjall babanë e esseistikës Mishel dë Montenj me një shqipe të kulluar

Nga Shpendi Topollaj Emrin e Mishel dë Montenjit e kam dëgjuar së pari falë një rastësie fatkeqe. Ishte koha e çmendurisë komuniste, kur pushteti diktatorial...

Komprometimi kulturor

Ese nga: Bujar Meholli Modalitetet kitsch që ofron shoqëria bashkëkohore, thellësisht komercialiste, lënë peng kulturën, intelektin, dhe e zgjasin amullinë. Javë më parë ishte...

Lajme të tjera

Web TV