Partia Demokratike e drejtuar nga kryetari i komanduar, Enkelejd Alibeaj ka konfirmuar ditën e djeshme se në Bashkinë e Tiranës do të futet me një kandidat të sajin në zgjedhjet e 14 Majit dhe ai është Roland Bejko.
Bejko arriti të merrte shumicën e votave në mbledhjen e Kryesisë, duke triumfuar përballë Jonila Godoles. Kjo e fundit pritet të kryesojë listën për Këshillat Bashkiak të kryeqytetit, megjithatë nuk ka një vendimmarrje përfundimtare nga ana e Kryesisë.
Kështu, me këtë vendim, konfirmohet se demokratët do të jenë të përçarë në 14 maj. Kjo sepse Bejko vjen si kandidat i Alibeajt dhe do të ketë përballë Belind Këlliçin, emër i dalë nga koalicioni Berisha-Meta.
Lidhur me këtë është pyetur në konferencën për mediat edhe Sali Berisha, i cili nuk ngurroi ta quaj si vegël të Ramës.
“Janë kandidatë të Edi Ramës. Nuk kanë lidhje me PD. Ata janë thjesht vegla mjerane që i përdor Basha dhe Rama kundër pluralizmit. PD do triumfojë. Koha provoi në mënyrë profetike përcaktimet, provoi nrëndësisnë që ka misiini i demokratëve për vedosjen e pluralizmit. Këtoi tani i kanë kuptuar të gjithë. Kandidatët e Edi Ramës, janë 1 ose 2, vijnë nga bota e mafies”, tha ai.