Për 100 mijë dollarëshin që jep policia për atentatorët ndaj “Top Channel”

113 563 lexime

124,178FansaPëlqeje

Nga ROLAND QAFOKU

Ka një debat këto ditë lidhur me një shpërblim që policia ka dhënë për ata që japin informacion për autorët e sulmit me armë ndaj televizionit “Top Channel”.

Vetëm 24 orë pas ngjarjes së rëndë, Policia e Shtetit njoftoi se vendoste në dispozicion të atyre që japin informacion për autorët shumën 100 mijë Euro duke ruajtur edhe anonimatin.

Kam lexuar lloj-lloj opinionesh që nga gazetarë e politikanë e deri te ekspertë të facebook-ut. Një pjesë habiten dhe një pjesë “i bien tavolinës” se kjo shumë është e ekzagjeruar. Së pari, dua të them se kjo mënyrë është procedura më normale që policia shqiptare dhe çdo polici në botë kryen për ngjarje që i çmon që duhet të japë shpërblim për të shkuar te autori, sepse janë një magnet pothuajse i sigurtë dhe i efektshëm.

Për informacion, policia ka dhënë shpërblime dhe në kohën më të keqe financiare të vendit dhe kur financat kanë qenë në prag të kolapsit. Dhe bëhet fjalë për shuma edhe më të mëdha se kaq.

Shuma më e madhe që policia kë vë në dispozion deri tani rezulton të jetë për vrasjen e ish-kryetarit të parë të PD-së dhe deputetit Azem Hajdari të vrarë më 12 shtator 1998. Për ata që jepnin informacion policia vuri në dispozicion 250 mijë Dollarë dhe e veçanta është se kjo shumë është marrë. Pra, me fjalë të tjera qytetarë anonimë kanë dhënë informacionin e duhur që ka sjellë identifikimin, arrestimin dhe më pas dënimin e autorëve. Së dyti, kjo nuk është e vetmja ngjarje që janë vënë në dispozicion shuma të konsiderushme parash por edhe që janë marrë nga informatorët që kanë goditur në shenjë.

Lexo edhe :  Në fakt amnistinë e dështoi Salianji

Ajo që duhet të kërkojmë në kësi rastesh është transparenca e brendshme që duhet të bëjnë instancat e policisë se kush i mori këto para dhe a u dhanë në destinacionin e duhur këto para. Dhe më e rëndësihmja fare, a u ruajt anonimati?

Ndërkohë, lidhur me ngjarjen e “Top Channel” tregon se vënia na dispozicion të kësaj shume është sinjal që së pari policia nuk ka informacione se kush janë autorët dhe e dyta që jepet një mundësi që ata që kanë dijeni të japin informacion dhe të marrin paratë. Për ironi apo rastësi, shuma në fjalë është po aq sa shuma që pritet të marrë fituesi i “Big Brother”. Uroj që autorët të gjenden sa më shpejtë. Qoftë falë edhe dhenies së informacioneve duke marrë 100 mijë Euro.

Të fundit

Eksperti i Shekspirit përmbys mitin për babanë e dramaturgut

Gjoba me baltë e John Shakespeare në 1552 ishte më shumë një tarifë për asgjësimin e mbeturinave sesa një...

Lufta dhe paqja: këto fjalë janë të ndaluara sot në Rusi

Nëna ime gërsheton rrjeta kamuflimi për ushtarët dhe kur përpiqemi të flasim për atë që po ndodh në Ukrainë, ne përfundojmë duke bërtitur   Nga Elena...

Nxjerrja nga qarkullimi i dinarit serb/ Opozita kritika Kurtit: E bëri temë në dialog!

Anëtari i Kryesisë së Partisë Demokratike të Kosovës, Zenun Pajaziti, kritikon kryeministrin, Albin Kurti, se rregulloren e BQK-së që ndalon përdorimin e dinarit për...

28-29 shkurt/ Tirana mikëpritëse e 2 samiteve, Volodymyr Zelensky mirënjohës Shqipërisë

Për herë të parë, presidenti ukrainas Volodymyr Zelensky do të vizitojë Shqipërinë, ndërsa Ukraina ndodhet në luftë me Rusinë që prej shkurtit 2022. Tirana...

Opozita në duart e Ilir Metës

Vera e re në fuçinë e vjetër Nga ROLAND QAFOKU I vetmi justifikim i fortë dhe i besueshëm për mungesën e Ilir Metës në protestën e...

Lajme të tjera

Web TV