Sot bëhen plot 14 vite që Shqipëria është bërë pjesë e NATO-s.
Këtë ditë historike, kryetari i Partisë Demokratike, Sali Berisha e ka kujtuar me një video të 14 viteve më parë.
Me anë të një statusi në rrjetet sociale, Berisha thotë se ky anëtarësim u bë i mundur nga sukseset e reformave të thella dhe gjithanëshme, funksionimi i shtetit ligjor dhe ekonomisë së tregut.
“Sot ditë historike, 14 vjetori i anëtarësimit të Shqipërisë në Nato, aleancën politike dhe ushtarake më të fuqishme të kohërave.
Ky anëtarësim u bë i mundur nga sukseset e reformave të thella dhe gjithanëshme, funksionimi i shtetit ligjor dhe ekonomisë së tregut. Kjo ëndërr u bë realitet për shqiptarët me mbështetjen e fuqishme të presidentit të SHBA, mikut të madh të kombit tonë George W. Bush dhe vendeve anëtare të Natos.
Sot Nato e udhëhequr nga SHBA është mburoja më e fuqishme e paqes dhe lirisë në botë.
Zoti e bekoftë Naton dhe vendet e saj anëtare!”, shkruan kryedemokrati.
