“Hip se të vrara, zbrit se të vrava” e quan reagimin e publikut babai i Kiarës, Arbër Tito, pas rikthimit të së bijës në “Big Brother VIP” të shtunën e kaluar. Pas një jave që qëndroi jashtë shtëpisë, Kiara mësoi shumë nga fama e të gjithë banorëve dhe në veçanti mësoi edhe popullaritetin e të dashurit të saj. Ndaj edhe rikthimi në shtëpi s’mund të ishte njëlloj.
I ftuar në “Ftesë në 5” babai i Kiarës tregon se ndihet shumë i prekur nga reagimi i publikut ndaj sjelljes së Kiarës. Gjatë ditëve të para, pas daljes nga shtëpia, Kiara vetëm ka qarë për tri ditë, por sjellja e saj “e re” nuk duhet keqkuptuar:
“Unë jam i prekur, sepse nuk ka një argument bazë që t’i kundërvihet Kiarës, por merren me veshjen (e bardhë apo e zezë), me kryqin (e ke apo s’e ke), nuk përmenden gjërat pozitive të Kiarës… Sa për sjelljen e Kiarës, kur ndryshon, pse ke ndryshuar, nëse nuk do të ndryshonte, do thoshin kjo kështu ngeli, nuk zë mend”, – tha mes të tjerave babai i Kiarës në një lidhje direkte nga Italia.
Kur mësoi se Kiara dhe Efi janë përqafuar, ai tha se është shumë i lumtur, sepse e bija nuk mban zemëratë.
Babai i moderatores shtoi më tej se të gjitha komentet denigruese kundër figurës së Kiarës do t’i ndjekë me avokatë nga Italia, sepse nuk mund të tolerojë çdo media apo çdo gazetar të shkruajë pafund lajme të rreme për të bijën.
Çdo famë e ka një çmim, por mua më duket sikur Kiara po paguan një çmim jo të vetes…”
