Ish-kryeministri Sali Berisha ka shkuar mesditën e kësaj të premteje në Kavajë, ku ka uruar festën e Fiter Bajramit me përfaqësues të komunitetit mysliman atje dhe kandidatin e “Bashkë Fitojmë” për bashkinë, Fisnik Qosja.
“Të dashur miq, Sot, nga Kavaja, urova të gjithë besimtarët myslimanë festën e Fitër Bajramit”, shkruan Berisha, teksa thotë se ky qytet nuk është lëkundur kurrë së besuari në Zot, as gjatë diktaturës hoxhiste.
“Ky qytet, i pagëzuar me emrin “Meka e demokracisë” dhe i njohur si simbol i besimit në Zot dhe liri, nuk u lëkund kurrë së besuari në Zot, as kur ai dënohej egërsisht nga diktatura, pasi shpirti i lirë i qytetarëve të Kavajës prevalonte mbi gjithçka.”
