Fitore emocionuese e Napolit në sfidën me Juventusin në “Allianz Stadium”, ku gjithçka u vendos në minutat e fundit.
Skuadra bardhezi, me moralin e lartë pasi iu kthyen 15 pikë në klasifikim, bëri gjithçka për të arritur fitoren, madje edhe realizoi një gol me Di Marian në minutën e 83-të, që iu anulua nga sistemi VAR, por në minutat shtesa skuadra e Spallettit realizoi golin e “knockout”-it me Giacomo Raspadorit, i shërbyer nga Elmas.
Festë e papërmbajtshme në kampin napolitan për një fitore të madhe që praktikisht e bën kampione të Italisë skuadrën e Spallettit (diferenca me Lazion e vendit të dytë shkon 17 pikë, kur kanë mbetur edhe 21 pikë në lojë).
Zhgënjim në kampin bardhezi, që pavarësisht pikëve të kthyera, duhet të luftojë fort në takimet e mbetura për t’u renditur në fund mes katër ekipeve më të mira në Serinë A.
