Një sërë artistësh shqiptarë kanë dalë hapur në mbështetje të kryebashkiakut dhe kandidatit socialist të Tiranës, Erion Veliajt.
Për këto video të publiokuara nga artistët, ka reaguar së fundmi gazetari Artan Hoxha. Me tone ironike ai thotë se ka parë të gjithë ajkën artistike të kombit nga çdo cep i globit me videomesazhe për Veliajn.
Ai pyet në rrjetet sociale se përse nuk prononcohen edhe “Pleqtë e Krujës” si Rita Ora, Ermal Mamaqi, Rigels Rajku e artistë të tjerë.
“Pasi pashë gjithë ajkën artistike të kombit, që mbështeti nga çdo cep i globit, haptazi dhe qartazi me videomesazh, kryetarin e Bashkisë së Tiranës në detyrë Erion Veliaj dhe padiskutim tashmë fituesin e 14 majit, befas me lindi një dilemë e fundit!!!
Nga e superstari Rita Ora, gjiganti Ermal Mamaqi, i madhi Noizy, madje edhe lama e Kopshtit Zoologjik, e ardhur nga Amerika Latine janë në mbeshtetje të Lalit Erit, po këta kodoshët “Pleqtë e Krujës”, pse nuk prononcohen vallë???!!!
A thua mos na bëjnë ndonjë marifet dhe kalojnë në minutën e fundit me Belon???!!!
Le ta provojnë po të duan, vetëm nëse kanë ndërmend ta kalojnë pleqërinë, duke e parë kryeqytetin nga Sari Salltiku mbi malin e Krujës”, thekson gazetari me ironi.
