Ilir Meta ka përshëndetur qëndrimin e “Reporterët Pa Kufij” lidhur me deklaratën për të përmirësuar raportin mes pushtetit dhe medias.
Në një reagim të bërë në Facebook, kreu i Partisë së Lirisë, shprehet se më 14 Maj gjithsecili ka mundësi të kontribuojë për ndryshimin.
“E përshëndes qëndrimin e “Reporterët Pa Kufij” që deklarojnë se për të përmirësuar raportin mes pushtetit dhe medias, në Shqipëri është i nevojshëm një rotacion politik.
Renditja e vendit, e fundit në rajon për lirinë e medias dhe mjedisi skandaloz ku punojnë gazetarët shqiptarë është rezultat i kapjes të shtetit dhe korrupsionit skizofrenik.
Vetëm shporrja e “Rilindjes” dhe e këtij Kryeministri përmirëson lirinë e medias dhe garanton të drejtat e gazetarëve. Më 14 Maj gjithsecili ka mundësi të kontribuojë për Ndryshimin”, shkruan ai.
