Celibashi letër Çelës, Dumanit dhe Rrumbullakut: Hetoni krimet zgjedhore

113 563 lexime

124,178FansaPëlqeje

Kreu i Komisionit Qendror Zgjedhor Iliarian Celibashi i ka kërkuar drejtuesve të tre institucioneve që të bashkëpunojnë, monitorojnë dhe vlerësojnë për hetime krimet zgjedhore në vend.

Me një shkresë zyrtare Celibashi kërkon që të shtohet vemendja ndaj shkeljeve të mundëshme ligjore në ditët e fundit të fushatës, ditën e votimit dhe procesin e numërimit.

Frika se zgjedhjet lokale të 14 majit mund të regjistrojnë disa problematika ndihet edhe në institucionin kryesor të procesit zgjedhor.

Kreu i Komisionit Qendror të Zgjedhjeve, Ilirjan Celibashi i ka dërguar një letër Prokurorit të Përgjithshëm, Olsian Çela, drejtuesit të SPAK, Altin Dumani si edhe Drejtorit të Përgjithshëm të policisë, Muhamet Rrumbullaku.

Ai kërkon nga tre drejtuesit e institucioneve kryesore në vend, që të koordinohen në punën e tyre për të parandaluar krimet zgjedhore dhe incidentet e mundshme ditën e zgjedhjeve deri në përfundimin e procesit të numërimit të votave.

“Në njohje dhe respektim të kompetencës dhe të përgjegjësisë ligjore të secilit prej institucioneve që ju drejtoni si edhe të Komisionit Qendror të Zgjedhjeve, më lejoni të sjell në vëmendjen tuaj nevojën për të koordinuar ushtrimin e këtyre përgjegjësive me qëllim parandalimin dhe evidentimin e veprave penale në fushën e zgjedhjeve në mënyrë efikase, më së paku në raport me kohën.

Kjo, për përgatitjen dhe zhvillimin e zgjedhjeve për organet e qeverisjes vendore të datës 14 Maj 2023”-I drejtohet Celibashi në shkresën zyrtare krerëve të tre institucioneve. Ai kërkon që policia, prokuroritë e rretheve dhe prokuroria speciale të angazhohen nga dita e djeshme deri në procesin e fundit të numërimit për të mbajtur vëmendjen në hetimin e krimeve zgjedhore.

“Rekomandojmë të caktohen dhe të njihen reciprokisht kontaktet përkatëse, të posaçme, pritëse dhe dërguese të informacioneve të rastit. Kjo veçanërisht për periudhën nga sot (të martën), deri në përfundimin e procesit të numërimit të votave“, thuhet në letrën e Celibashit që mbanë datën 10 maj 2023.

Lexo edhe :  “Donte të më arrestonte Ina Rama”/ Meta rrëfen bisedën me Berishën: I thashë doktorit

Problematikat

Edhe pse fushata nisi relativisht e qetë, në javët e fundit janë regjistruar disa incidente. Opozita ka denocuar rastet që sipas saj janë dëshmi për blerje votash, duke nisur nga përdorimi I administratës shtetërore, deri në shpërndarjen e ushqimeve në bashki të ndryshme për shtresat në nevojë, me qëllim të pastër sipas tyre në marrjen e votave për kandidatët e PS-së.

Por jo pa ankesa janë edhe kandidatët e mazhorancës të cilët në të paktën tre raste sin ë Has, Burrel dhe Pukë kanë akuzuar se persona të ndryshëm nga shtabet elektorale të kandidatëve të koalicionit “Bashkë Fitojmë” kanë ushtruar dhunë apo shantazhuar mbështetësit e PS-së.

Në zonat e tjera të nxëhta sin ë Durrës,  Elbasan apo Sarandë ka pasur akuza nga opozita se po përdoren persona me rekorde kriminale për blerjen e votave apo shantazhimin e elektoratit të djathtë.

Më e qetë ka qenë situate në bashkitë e tjera të cilat nuk ka raportime dhe denocime konkrete për problematika përgjatë fushatës eletorale, sidomos gjatë ditëve të fundit.

Tradida e mëparshme ka treguar se pikërisht në treditëshin e fundit të ditës së zgjedhjeve ka një angazhim të madh të palëve politike me qëllim fitoren, ku mund të përdoren edhe forma të paligjshme për marrjen e votave.

Kodi Penal që lidhet me krimet zgjedhore ka ndryshuar tre vite më parë  ku janë ashpërsuar dënimet nëse personat e ndryshëm, qofshin edhe zyrtarë të lartë publik gjenden fajtorë për vepra të ndryshme penale.

Megjithë ashpërsimin e ligjit, sërish fenomeni i shitblerjes së votave ka vijuar dhe kjo u vu re në zgjedhjet e vitit 2021, nga subjekte të ndryshme politike.

Të fundit

“Gati për të mirëpritur gjithë botën”, Rama për turizmin: Po ngjitemi gjithnjë e më lart

Kryeministri Edi Rama ka vlerësuar se Shqipëria po përmirësohet sa i përket turizmit. Ndërsa krahason rezultatet me vitin 2019, Rama...

Taksa e pronës, sa do rritet detyrimi për bizneset e qytetarët?

Taksa e banesës, që do të nisë të aplikohet prej 2026, do të rrisë detyrimin për qytetarët dhe për bizneset. Llogaritja e saj do të...

UNICEF: Çdo dhjetë minuta një fëmijë vritet ose plagoset në Gaza

Fëmijët në Gaza janë bërë imazhi i luftës së vazhdueshme pasi rrëfimet e tyre nxjerrin në pah pasojat e konfliktit, sipas një zyrtareje të...

Pse Mitsotakis kandidoi Belerin për eurodeputet? Mediat greke zbardhin prapaskenat

Një ditë pas publikimit të lajmit për kandidimin e Fredi Belerit nga partia “Demokracia e Re” për zgjedhjet europiane të 9 qershorit, mediat greke...

Olaf Scholz takohet me Xi Jinping, dy liderët bëjnë thirrje për bashkëpunim

Në fillim të takimit me kancelarin Scholz, presidenti kinez Xi Jinping bëri thirrje për bashkëpunim të ngushtë mes dy vendeve. Së bashku, ne mund...

Lajme të tjera

Web TV