Ish-deputeti socialist dhe analisti Ervin Bushati në një intervistë për Ora Neës deklaroi se fitorja masive e bashkive nga PS tregoi se vetëm një pjesë e vogël e shqiptarëve besuan se Sali Berisha të mund të bëhej kryeministër.
Shanset, tha ai, që Berisha të mund të jetë kryeministër në 2025 janë pothuajse zero.
Ervin Bushati: Ka të paktën dy njerëz në Ballkan që nuk e pranojnë realitetin.
Aleksandër Vuçiç nuk pranon pavarësinë e Kosovës dhe Berisha nuk pranon realitetin e humbjes në zgjedhje.
95% e qytetarëve shqiptarë do të kenë një kryebashkiak socialist nga nesër. Pra projektin e Berishës do ta shikojnë vetëm 4.5% e shqiptarëve në disa qytete të vogla.
Mendoj se për disa muaj do të vazhdojmë të ndjejmë tronditje tek opozita sepse nuk është e lehtë të absorbosh një goditje kaq të rëndë sa ç’ishte kjo e 2023. Këto zgjedhje lokale treguan se më shumë njerëzit besojnë se ka jetë në mars, diku tek 7%, sesa që kryeministër të mund të jetë Berisha ndonjë ditë.
Të bësh një sondazh sot në popullatë nëse mendojnë që Berisha të mund të jetë në 2025 shkencërisht kryeministër i Shqipërisë, prap te 5% mund të besojnë.
Shanset që Berisha të jetë ndonjëherë kryeministër i Shqipërisë janë pothuajse zero dhe sa më shumë kalon koha aq më të vogla bëhen duke patur parasysh moshën dhe tëshkuarën e tij.
