Gjykata e Elbasanit ka vendosur masën e sigurisë “arrest me burg” për 58-vjeçarin Tefik Tashi, i cili vrau me sëpatë motrën e gruas tre ditë më parë.
Gjyqtarja Matilda Fetau pranoi kërkesën e Prokurores Pranvera Stafa, duke e lënë në burg autorin e vrasjes, Tashin tre ditë pas krimit të rëndë në fshatin Kusarth të Elbasanit.
44 vjeçarja Alma Qevani u godit për vdekje me sëpatë nga bashkëshorti i motrës së saj pas një debati banal mes tyre. Autori u kap nga Policia teksa vraponte me sëpatën dhe duart me gjak, në afërsi të fshatit Shirgjan.