Në tetor nis rritja e pensioneve/ Ja çfarë po përgatit qeveria për të moshuarit

113 563 lexime

124,178FansaPëlqeje

Në tetor qeveria do të rrisë pensionet për të moshuarit. Terreni po përgatitet, pasi reforma e pagave dhe qëndrueshmëria e ekonomisë do të rrisin kontributet e sigurimeve shoqërore duke krijuar hapësirë për rritje të pensioneve.

Qeveria gjithashtu ka paralajmëruar se do të ketë edhe shpërblime. Lajmin e dha Ministrja e Financave dhe Ekonomisë, Delina Ibrahimaj.

“Kemi shqetësim maksimal për nivelin e pensioneve. Historia e pensioneve ka më tepër se 10 vite. 10 vitet e fundit ndryshe nga sa më parë qeveria vendosi detyrimin ligjor për indeksimin e pensioneve.

A është mjaftueshëm? Jo! Përveç indeksimit ligjor, ne gjatë vitit të kaluar kemi dhënë disa shpërblime, kemi indeksuar pensionet 9.5 %, kur niveli mesatar i inflacionit ishte 6.7 %.”, shpjegoi ajo. Ibrahimaj tha se indeksimi i pensionistëve për këtë vit do të bëhet në muajin tetor në masën e inflacionit mesatar vjetor.

Sipas ministres, krijimi i bazës për rritjen edhe të pensioneve ishte edhe ndër arsyet që u nis reforma totale e pagave që synon të shtrihet edhe në sektorin privat. “Me rritjen e pagës minimale dhe politikat për nxitjen e deklarimit real të pagave në sektorin privat, synojmë që pagat mesatare në sektorin privat të rriten, duke rritur kështu edhe më shumë kontributet e sigurimeve shoqërore.

Kjo na lejon që në të ardhmen të mendojmë një politikë për rritjen e pensioneve”, u shpreh Ibrahimaj. Përveç kësaj, Ibrahimaj tha se edhe aktiviteti ekonomik dhe reformat e ndërmarra po krijojnë qëndrueshmëri në rritjen ekonomike, çka ka lejuar rritjen e pagave pa cenuar stabilitetin financiar dhe pa cenuar objektivat për konsolidim fiskal.

Rriten edhe pensionet private

Nga ana tjetër, skema e pensioneve private po bëhet tërheqëse për shqiptarët. Gjatë muajve të parë të këtij viti shumë persona kanë zgjedhur të kontribuojnë për të  qenë pjesë e skemës së pensioneve vullnetare private.

Lexo edhe :  Kategoritë që përfitojnë rritje rroge nga 1 Korriku, ja sa do të jetë shtesa

Edhe pse njihet pak si skemë dhe shumë njerëz stepen, gjatë periudhës janar-mars  totali i kontributeve ka arritur në vlerën 5.9 miliardë lekë ose 52.69 milionë euro.

Nëse bëjmë një krahasim me fundin e vitit 2022 rritja e aseteve rezulton se ka pësuar një rritje me gati 5%. Sipas të dhënave të Autoritetit të Mbikëqyrjes Financiare, numri i anëtarëve në fondet e pensioneve private  në fund të marsit  ishte mbi 37 mijë persona.

Viti i kaluar  pati  gjithashtu një ecuri pozitive për sa i përket personave që kanë kontribuar  në skemat e pensioneve private duke u shtuar me 5 mijë e 500 anëtarë.

Por pavarësisht kësaj tendence pjesëmarrja e qytetarëve shqiptarë në skemën e pensioneve private vlerësohet ende e ulet. Aktualisht në këtë skemë janë  më pak se 3% e forcave të punës  lehtësojnë barrën e skemës publike.

Aktualisht Autoriteti i Mbikëqyrjes Financiare ka ndërmarr  disa ndryshime ligjore që synojnë nxitjen e kësaj skemë, ndërhyrjet synojnë  të ulin tarifat në rastet kur fondi tërhiqet me këste. Skema e pensioneve private mbetet ende e panjohur për popullsinë e gjerë  por ajo ofron një mundësi për rritje reale të pensioneve, nga pikëpamja e të ardhurave.

Ndër të tjera paratë e investuara në fondet private të pensioneve nuk humbasin, ato trashëgohen nga pasardhësit, ndryshe nga pensioni shtetëror që pushon së ekzistuari me humbjen e jetës së pensionistit.

Të fundit

Mënyra për të përfituar pension për të moshuarit që nuk figurojnë në regjistra

Indeksimi i pensioneve këtë vit pritet që të bëhet në muajin tetor. Në tetor pensionistët do të marrin ca...

Studimi: Qentë mund të lidhin fjalët me objektet

Qentë janë në gjendje të kuptojnë disa fjalë që iu referohen objekteve në mënyrë të ngjashme sikurse njerëzit, gjeti një studim që ka analizuar...

Rriten temperaturat në vend, në fundjavë rikthehen grimcat e pluhurit nga Saharaja

Gjatë ditëve të ardhshme vendi ynë do të jetë nën mbizotërimin e masave ajrore të ngrohta që vijnë nga Afrika veriore. Në një lidhje “skype”...

Marrëveshja Shqipëri-Itali për emigrantët/ Nisin punimet në Lezhë për ndërtimin e kampit

Marrëveshja Shqiptari-Itali e nënshkruar nga kryeministri Edi Rama dhe homologia Giorgia Meloni, burime bëjnë me dije se kanë nisur punimet e para të ndërtimit...

Merret VENDIMI / Ja kush është kryetarja e re e Bashkisë Himarë

Pas tensioneve të larta dhe debateve, mbledhja e Këshillit Bashkiak të Himarës dhe pasi u shty për në orën 12:00, zgjodhi me 16 vota...

Lajme të tjera

Web TV