Eric J. Reese do të jetë agjenti i ri special i Kundërinteligjencës dhe divizionit të Krimit Kibernetik në Byronë Federale Investigative të Neë York.
Ky post është mbajtur më herët nga Charles McGonigal, një personazh i njohur për lidhjet me Shqipërinë, tashmë nën akuzë për një sërë veprash penale që lidhen me korrupsionin, shpërdorimin e detyrës dhe ndihmën e dhënë ndaj oligarkut rus Oleg Deripaska për shmangien sanksioneve të Perëndimit.
Ajo që bie në sy është se J. Reese është njohës i mirë i grupeve kriminale shqiptare, si dhe ka hetuar më herët ndërmarrjet kriminale euroaziatike.
Reese u promovua në shef seksioni në vitin 2022 dhe drejtoi Seksionin e Operacioneve të Rusisë në Divizionin e Kundërzbulimit në Selinë e FBI-së, raportojnë mediat amerikane.
