Naomi Campbell, Adriana Lima, Hailey Bieber, Emily Ratajowski, Winnie Harlow dhe një listë e gjatë modelesh ndërkombëtare kanë qenë në Barcelonë javën e kaluar.
Victoria’s Secret ka zgjedhur kryeqytetin katalanas për të xhiruar reklamën e re me të cilën duan t’i japin një projeksion të ri firmës së të brendshmeve bazuar në diversitetin dhe përfshirjen dhe të lënë pas një të kaluar të diskutueshme të mizogjinisë, machismo dhe tiranisë së hollësisë, shkruan La Vanguardia.
I gjithë ekipi i prodhimit të Victoria’s Secret ka dy javë që ndodhet në Barcelonë, duke lëvizur një karvan me 20 furgona me të gjithë materialin, plus makina private për çdo model që shkonte nga aeroporti në hotele dhe setet e ndryshme të xhirimeve.
Java e parë iu kushtua montazhit dhe e dyta xhirimeve, e cila u mbyll dje me një festë private për të gjithë ekipin dhe disa prej modeleve që ishin ende në qytet.
Reklama rikrijon një festë masive dhe u filmua në Qendrën Xavier Corberó për Aktivitete Artistike dhe Kërkime (manastiri fqinj u përdor si dhomë grimi, parukerie dhe gardërobë) dhe në ndërtesën Corberó, që ndodhet në Esplugues de Llobregat dhe në qendra Cultural La Modelo, Barcelona.
Ishte pikërisht në burgun e vjetër ku Naomi Campbell filmonte skenat e saj. Modelja ishte e para që mbërriti me vajzën e saj.
Produksioni i Victoria’s Secret i ka mbajtur sekret të gjitha xhirimet dhe kureshtarët që afroheshin ose kërkonin të shihnin numrin e furgonëve, kamerave apo personelit, ekipi i sigurisë i nxirrte jashtë.
Dhe në mënyrë që modelet të mos mund të fotografoheshin, hynin e dilnin nga automjetet të rrethuar nga personeli i sigurisë dhe të mbuluar me gjashtë apo shtatë çadra.
Përveç Naomi Campbell, Adriana Lima, Hailey Bieber, Emily Ratajowski apo Winnie Harlow, në reklamë marrin pjesë një numër i madh modelesh të moshave, madhësive, identiteteve gjinore dhe karakteristikave fizike të ndryshme, si Lila Grace Moss, vajza e Kate Moss. ; modelja transgjinore Valentina Sampaio, apo aktorja transseksuale nga Euphoria, Hunter Schafer.