Rama “shpall fitoren” për vitin 2025: Opozita do marrë edhe më pak vota

113 563 lexime

124,178FansaPëlqeje

Kryeministri Edi Rama bëri analizën e zgjedhjeve lokale teksa shprehet se triumfi i PS-së lidhet edhe me disfatën e opozitës. Sipas Ramës, në zgjedhjet e ardhshme opozita do të marrë edhe më pak vota duke u braktisur nga qytetarët, ndërsa paralajmëroi për “fitoren e sigurt” të mazhorancës edhe në zgjedhjet Parlamentare të vitit 2025.

Kryeministri Edi Rama ka komentuar gjatë rezultatin e zgjedhjeve lokale të 14 majit. Ai është shprehur I bindur se opozita do të përfundojë edhe më keq në zgjedhjet e ardhëshme, duke paralajmëruar edhe marrjen pa problem të mandatit të katërt. Këtë Rama e lidh si me një opozitë të dobët, që sipas tij u braktis nga shqiptarët, ashtu edhe tek puna e qeverisë që drejton. “Nëse doni të dini pse jua ktheu Kamza kurrizin, shkoni e shikoni të gjithë politikat e bashkisë, merrni me radhë familjet që ju prishën shtëpitë nga tërmeti, pyesni ata të Unazës pse 130 familje nuk bënë asnjë protestë. Ata e dinë shumë mirë që njeriu që kanë atje fle i fundit, zgjohet i pari dhe çfarë thotë e bën. Ajo çfarë bëjnë atje është fiks ajo që do bëjnë. Kamza bëri atë që keni merituar prej kohësh. Hajdeni me mua në Tropojë e shihni pse ju ktheu kurrizin.

Jeni bërë aq të pashikueshëm, të padëgjueshëm, të pangrënshëm sa një pjesë na votuan ne, një pjesë qëndruan në shtëpi. Herën tjetër do jenë më pak. Më shumë se fitorja jonë ajo është disfatë e politikës e të gjithë juve që vini këtu. Po e morët vesh merreni po se morët vesh herën tjetër do të jetë edhe më keq, për ju, jo për Shqipërinë jo për shqiptarë”, tha Rama. Ai gjithashtu nuk e sheh problem pjesëmarrjen e ulët të qytetarëve në votime dhe ka një “analizë tjetër” pasi sipas tij ajo që u braktis dhe nuk u votua ishte opozita, ndërsa PS e drejtuar prej tij i mori votat që i nevojiteshin, pavarësisht një ulje të vogël në krahsim me zgjedhjet e mëparshme. ‘Kur shqiptarët sapo kanë folur. Nuk është bërë akoma java e dytë dhe kanë folur aq qartë sa natyrisht kanë tronditur një pjesë të atyre që fatkeqësisht janë atë që nuk duan të dëgjojnë, është shumë komike që të flitet në emër të shqiptarëve. Të flitet në emër të shqiptarëve që braktisën politikën, zgjedhjet apo në emër të të rinjve që ishin të pakët në votime.

Lexo edhe :  Pagat po rriten, por shqiptarët po bëhen më “dembelë”

Pasqyra e pjesëmarrjes flet pak më ndryshe. Shqiptarët nuk kanë braktisur të gjithë ne, por një pjesë nga ne. Sa i takon pjesës që së bashku me të gjithë deputetët në krahun e majtë unë përfaqësoj shqiptarët jo vetëm që nuk na kanë braktisur por na kanë mbështetur më shumë se asnjëherë më parë. Kjo bëhet edhe më e rëndësishme po të kemi parasysh se nuk është një fenomen karakteristik i zgjedhjeve vendore. Braktisësit e të gjitha moshave kërkojini tek mënyra si e lexoni Shqipërinë tek mënyra sesi flisnim për Shqipërinë dhe shqiptarët. Kjo është një këshillë e pa kërkuar që unë ua kam dhënë që në mandatin tonë të parë.’- tha Rama.

 

 

Të fundit

Arrestimi i ish-drejtorëve të Bashkisë Tiranë/ Zbardhet skema: Si u fituan 11 tendera…

Gazetarja Anila Hoxha, në një lidhje direkte për “Top Story” ka shpjeguar sesi u abuzua me 11 tendera të...

Upss kaq ishte! Ndahet çifti i ‘Për’puthen’ Saide dhe Gerti

Gerti dhe Saide, në Ditën e të Dashuruarëve u deklaruan për njëri-tjetrin në emisionin ‘Për’puthen’. Nga disa kërkime të bëra në redaksinë tonë, kemi vënë...

Kategoritë që përfitojnë rritje rroge nga 1 Korriku, ja sa do të jetë shtesa

Punonjësit e administratës publike do të përfitojnë rritje të pagës, duke filluar nga 1 Korriku 2024. E ndërsa paga mesatare mujore bruto në sektorin...

Gazetari bën paralajmërimin e frikshëm: Serbia është gati të sulmojë Policinë e Kosovës

Gazetari Venhar Isufi tha në një intervistë televizive se grupi që po trajnohet nga xhandarmëria serbe në Rashkë janë një grup më profesional, me...

Plas skandali, okulistja i ngatërron numrin e syve qytetares tek “Iraniani”

Një qytetare u ankua në Fiks Fare se, pasi bëri një vizitë te një okuliste te Poliklinika e Specialiteteve Nr.1, ‘Iraniani”, shkoi dhe bëri...

Lajme të tjera

Web TV