Sulmuesi i Manchester Cityt, Erling Haaland ka fituar dy çmimet kryesore në Premier League për edicionin 2022/23.
Manchester City u shpall kampion për sezonin 2022/23 disa xhiro pa përfunduar sezoni i rregullt.
Njëri nga më meritorët për këtë sukses të ekipit të Guardiolas, padyshim ishte sulmuesi edhe norvegjezi Haaland.
Haaland ishte i papërmbajtshëm në sezonin e tij debutues duke thyer rekordin për më shumë gola të shënuar brenda një sezoni.
Kur ka mbetur edhe një ndeshje për t’u zhvilluar këtë sezon, Haaland ka shënuar 36 gola dhe 8 asistime në 35 ndeshje.
Statistikat e tij kanë bërë që “Vikingu” të vlerësohet nga Federata Angleze, duke u zgjedhur “Lojtari më i mirë” për sezonin 2022/23 në Premier League.
Përveç kësaj, Haaland ka fituar edhe çmimin si “Lojtari i ri më i mirë”, pasi ka vetëm 22 vjet.
Gjatë gjithë historisë vetëm edhe dy lojtarë tjerë i kanë fituar të dy çmimet brenda një sezoni: Cristiano Ronaldo (2006-07) dhe Gareth Bale (2012-13).
