PSG fiton për herë të 11-të në histori titullin kampion në Francë. Skuadra pariziene e siguroi matematikisht vendin e parë një javë para fundit falë barazimit 1-1 në fushën e Strasburgut. Rezultat ky që, në fakt, i vlejti edhe skuadrës vendëse, së cilës i mjaftonte një pikë për të siguruar qëndrimin në Ligue 1.
Lionel Messi zhbllokon sfidën mes Strasburgut dhe PSG-së në kuadër të javës së parafundit të Ligue 1.
Në minutë ne 59-të, Kylian Mbappe, pasi mori një pasim të gjatë nga mesfusha, shërbeu për Messin në qendër të zonës, me argjentinasin që nuk e fali mundësinë që iu dha, 0-1.
Kundërpërgjigjja e Strasburgut nuk vonoi shumë. Në minutën e 79-të Gameiro barazoi rezultatin në 1-1.
Ky rezultat gëzoi të dyja skuadrat, Parisin që siguroi matematikisht titullin dhe Strasburgun që shmangu rënien.
