Humbi zgjedhjet/ Berisha thirrje dëshpëruese për protesta

113 563 lexime

124,178FansaPëlqeje

Ish-kryeministri Sali Berisha në një takim të mbajtur dje me strukturat drejtuese të PD-së së drejtuar prej tij dukshëm i nervozuar nga humbja e 53 nga 61 bashkitë e vendit, u shpreh se qytetarët duhet të ngrihen në protesta masive kundër qeverisë Rama. Çfarë nënkupton Berisha me fjalën: “qytetarët të marrin vendime individuale”? Nisma e vetme e Berishës; denoncime dhe protesta!

Ish-kryeministri Sali Berisha, i ndërgjegjshëm se situata në PD-në e drejtuar prej tij është mjaft e rëndë dhe pa shumë shpresë në të ardhmen, ka bërë thirrje për protesta masive të qytetarëve kundër qeverisë Rama. Në një fjali të përmendur, ka lënë të kuptohet se forma e protestës ti lihet në dorë çdo qytetari, duke mos mbajtur asnjë përgjegjësi për mënyrën sesi mendon të protestojë çdo individ. Ai paralajmëroi protesta, teksa u shpreh se “do të ngrihemi në një lëvizje të fuqishme, kundër armikut më të egër të lirisë së shqiptarëve, Rama dhe qeveria e tij”. “Ne nuk jemi ata që gënjejmë vetëm, por besojmë të vërtetat. Demokratët dhe opozitarët, duhet të marrin vendime individuale për të dalë së bashku në një betejë të hapur, për votën e lirë. Rama tregoi fytyrën e tij. Situata është dëshpëruese, të mos dorëzohemi dhe të ngrihemi. Në çdo rrethanë ka vetëm një rrugëdalje të ngrihen për të mbrojtur kombin e tyre nga një proces shkatërrimi që nuk e ka përjetuar asnjë komb tjetër”-tha dje Berisha në një konferencë shtypi, ku dukshëm shprehu nervozizëm dhe kritikoi fort edhe mediat që “kërkojnë fakte dhe prova” nga opozita për pretendimet e tyre se rezultati i zgjedhjeve u tjetërsua nga blerja masive e votave, përdorimi i bandave dhe administratës. “Ne do të qëndrojmë, kam bindjen e thellë që do e bëjmë. Demokratët në kushte të vështira, kur ishin shumë herë më pak se kaq kanë ditur të mbrojnë opozitarizimin, vlerat të krijojnë shpresat e të vazhdojnë betejën. Mendoj se në këto etapa duhet të jetë, të lëvizë pasi të përfundojë procesi i denoncimit dhe mbrojtjes së votës, do bëjmë analizën dhe do ngrihemi në një lëvizje të fuqishme kundër armikut më të egër të lirisë së shqiptarëve, Rama dhe qeveria e tij”-tha Berisha. Tashmë ish-kryeministri ka vetëm një qëllim që të paraqesë sa më shumë denoncime në SPAK dhe KQZ për zgjedhjet lokale dhe më pas të marrë hapin tjetër që duket se do të jetë final, ai i protestave. Edhe në këtë pikë nuk do e ketë aspak të lehtë dhe kjo lidhet kryesisht me pjesëmarrjen e opozitës në protestat që do të thirren nga Berisha dhe Meta. Po ashtu edhe forma e protestës, nëse rezulton e dhunshme mund të ketë pasoja në të ardhmen. Nga ana tjetër zërat se nga brenda PD-së së Berishës mund të lindte një frymë kundër lidershipit të tij pas humbjes së zgjedhjeve tashmë janë shuar përfundimisht.

Lexo edhe :  Feston sot ditëlindjen/ Meta shfaqet "në majë të hekurave", e dielë plot aventura

Berisha: Kush kërkon prova i shërben mafies

Ish-kryeministri Sali Berisha iu përgjigj sërish zërave që i kërkojnë opozitës të tregojnë filmimet e manipulimeve të 14 majit, është shërbëtor i mafies. Deklaratën ai e bëri gjatë një mbledhje në selinë e PD me 61 kandidatët që garuan në 14 maj. “Kush i thotë opozitës që “nuk i filmuat”, ata janë bashkë me hajdutin. Të pretendosh se ku u blenë zgjedhjet, tregon se je një skllav i mjerë i mafies më të rrezikshme në Europë, do të thotë se nuk sheh 680 mijë zarfe dhe kërkon të krijosh imunitet se je gazetar. Si gazetar ti duhet të mbrosh interesin publik dhe jo të mbrosh një krim monstruoz të papare. Opozita as nuk filmon, as nuk përgjon. Nuk kemi programe të survejimit të qytetarëve. PD duhet t’i rikthehet protestës. E vështirë, sakrificë, por rrugë tjetër, ju garantoj se vetëm veten e gënjejmë. Ne nuk jemi ata që gënjejmë veten, por besojmë të vërtetat. Nuk mundet opozita të ndalojë qeverinë të shpërndajë 680 mijë zarfa. Një kriminel si ky, një krim-ministër që shpall Kodin Elektoral kinezëri, sikur të ishte udhëheqësi i Koresë së Veriut, tregon qartë se nuk njeh asnjë ligj, asnjë standard dhe se me të, zgjedhje nuk mund të ketë. Kështu që demokratët dhe opozitarët duhet të marrin vendime individuale për të dalë së bashku në një betejë të hapur. Asgjë përveçse për të votuar të lirë.”, tha Berisha.

Të fundit

Horoskopi për ditën e sotme, 29 Mars 2024

Dashi Mund të keni bërë shumë shpenzime në të kaluarën dhe tashmë mund t’ju duhet të përballeni me pasojat. Si...

“U largova nga futbolli pasi nuk e njihja më”,Klose: Të rinjtë e kanë mendjen tek makinat

Miroslav Klose është një nga ata që ka shkruar historinë me fanellën e kombëtares së Gjermanisë, por edhe Bayern Munich. I tërhequr nga futbolli...

Shtatzënia përshpejton plakjen, por ja çfarë ndhodh pas lindjes

Ndryshimet e thella fizike, hormonale dhe kimike që lidhen me shtatzëninë mund të bëjnë që ora e plakjes të kthehet më shpejt, duke i dhënë moshës biologjike të...

“Eglën e njoh shumë mirë…”/Hygerta Sako zbulon detaje për banoren jashtë shtëpisë së BBV

ot e ftuar në emisionin “Big Brother Radio” ka qenë gazetarja Hygerta Sako, për të bërë një analizë të lojës së banorëve dhe për...

Aktiviteti elektoral i presidentit Biden me ish-presidentët Obama e Clinton,shënon rekord

Shuma e dhurimeve është një demonstrim i mbështetjes së demokratëve për presidentin Biden në një periudhë kur anketimet vazhdojnë të tregojnë nivele të ulëta...

Lajme të tjera

Web TV