Anëtari i Kryesisë së PD-së, Enno Bozdo, ka komentuar situatën në Partinë Demokratike, pas rezultatit të zgjedhjeve vendore të 14 majit.
Bozdo tha në një dalje për mediat se PD duhet të ndryshojë, ndërsa pretendon se brenda së djathtës ka një reflektim të madh për atë që ka ndodhur në zgjedhje.
“Brenda PD ka një reflektim të madh për atë që ka ndodhur. Nuk ka më dyshime kë kemi përballë.
Situata e zgjedhjeve të 14 majit, që me shumë mundësi do përsëritet në zgjedhjet e përgjithshme, kërkon një PD ndryshe nga kjo sot.
Nuk e konsideroj veten as të dobishëm dhe të them se ai na vodhi pas dy vitesh. Zgjedhjet ishin masakër dhe nuk diskutohet.
Ajo që ishte makineria që kontrollonte votën kur opozitës i mori gjithçka sjell një rezultat të tillë. Pyetja që bëhet është nëse do rrimë kështu apo do veprojmë?”, u shpreh ai.
