test

Zbardhet dosja, tërmeti që “nxiu” ish-kryebashkiakun Dako

113 563 lexime

124,178FansaPëlqeje

Ish-kreu i Bashkisë Durrës Vangjush Dako do të dalë sot para gjykatës për tu njohur me masën e sigurisë.

Ndaj Dakos rëndon akuza e “shpërdorimit të detyrës” për dy raste, në dhënien e lejes së një pallati në kundërshtim me ligjin dhe abuzimin me tenderin e shëtitores së Durrësit.

Prokuroria Speciale, SPAK ka publikuar të dhëna të dosjes hetimore ndaj ish-kryebashkiakut Vangjush Dako dhe nëntë zyrtarëve të tjerë të Bashkisë, të akuzuar për shpërdorim detyre dhe falsifikim të dokumentave.

Njeriu më I rëndësishëm politik I PS-së në Qarkun e Durrësit do të përballet sot me gjykatën ku do të njihet me masën e sigurisë “arrest me burg”.

Ai akuzohet për dy raste në akuzën e shpërdorimuit të detyrës ku në rastin e parë është dhënia e lejes së një pallati të dëmtuar nga tërmeti në vitin 2019 dhe një rast tjetër është tenderi për shëtitoren e Durrësit, ku dyshohet se është shkaktuar një dëm finaciar prej 22 milionë lekësh të reja.

Akuza të “vogla” në dukje, por SPAK ka kërkuar masën ekstreme të sigurisë. Ish-kryebashkiaku i Durrësit, Vangjush Dako, i cili u vetëdorëzua në Drejtorinë e Policisë së Tiranës, disa orë pas publikimit të urdhër-arrestit do të dalë sot para gjykatës për akuzën e shpërdorimit të detyrës.

Seanca për verifikimin e kushteve pas masës së shpallur në mungesë për Dakon, pritet të mbahet në orën 10:00 të mëngjesit. Dhënia e lejes së ndërtimit për një pallat 11 vite më parë në lagjen nr. 5 të Durrësit u bë shkak për arrestimin e ish-kryebashkiakut socialist të Bashkisë së Durrësit Vangjush Dako dhe ish-zyrtarët e tjerë të kësaj bashkie. Pallati pësoi dëmtime pas tërmetit të nëntorit të vitit 2019.

Pas hetimeve të nisura nga SPAK një vit më parë, u gjetën shkelje nga ana e ish kryebashkiakut Vangjush Dako dhe disa prej ish-zyrtarëve të tjerë. Në pranga ra edhe biznesmeni Fiqiri Farruku, ndërtuesi i pallatit.

Lexo edhe :  Festa e Kurban Bajramit, kryeministri Rama uron besimtarët myslimanë

Gjykata ka pranuar kërkesën e Prokurorisë së Posaçme për arrestimin arrestimin e Vangjush Dakos dhe të 4 ish-zyrtarëve të Drejtorisë së urbanistikës së Bashkisë së Durrësit, përfshirë ish Drejtorin Adhurim Qehajaj, si dhe pronarin e një kompanie ndërtimi, Fiqiri Farku dhe inxhinieren e kompanisë.

Arrest me burg është kërkuar për tre ish punonjëse të Bashkisë së Durrësit.

Hetimet per sekretin hetimor

Prokuroria e Posaçme, SPAK ka nisur hetimet për nxjerrje të sekretit hetimor në lidhje me arrestimin e Vangjush Dakos dhe zyrtarëve të tjerë.

Prokuroria e Posaçme kundër Korrupsionit dhe Krimit të Organizuar, mbi bazën e verifikimeve të kryera kryesisht, ka filluar hetimet për kryerjen e veprës penale ”Zbulimi i akteve ose të dhënave sekrete”, të parashikuar nga neni 295/a i Kodit Penal.

Fillimi i hetimeve kryesisht për këtë vepër penale është bërë për shkak të zbulimit ndaj të tretëve të të dhënave dhe të përmbajtjes së akteve procedurale, të cilat përbëjnë ”sekret hetimor”, që lidhen me veprimet procedurale të paraqitjes dhe të shqyrtimit të kërkesës me objekt caktimin e masave të sigurimit në ngarkim të shtetasve Vangjush Dako etj, të kryera në kuadër të procedimit penal nr.197 viti 2020 të Prokurorisë së Posaçme.

Objekt i hetimeve do të jenë veprimet e të gjithë personave të përfshirë në kryerjen e veprimeve procedurale për caktimin e masave të sigurimit për procedimin penal nr.197 viti 2020, duke përfshirë funksionarët e drejtësisë, personelin administrativ të organeve procedurale, si dhe çdo person tjetër që ka marrë dijeni për veprimet procedurale për shkak të funksionit të tij, të cilët mundet të kenë zbuluar të dhënat sekrete ndaj personave të tretë.

Të fundit

Gara e Splitit në Kroaci/ Piloti shqiptar renditet në vendin e dytë

Piloti Gentjan Shaqiri arriti të marrë vendin e dytë me makinën e tij “Formula 3”, në Split të Kroacisë. Në...

“Minimumi jetik 200 euro, pensionet 100 euro”/ Dilaveri: Hendeku i thelluar

Eksperti i ekonomisë, Flobens Dilaveri, ka komentuar lidhur me pensionet dhe situatën në të cilën ndodhet shteti. Sipas Dilaverit, minimumi jetik është 200 euro, ndërsa...

Temperaturat e larta shkaktojnë viktimën e parë në Shqipëri

Një 80-vjeçar është gjetur pa shenja jete në anë të rrugës nacionale Roskovec-Berat. Bëhet me dije se i moshuari është Abaz Metaj dhe nga verifikimet...

Ankesa për votim të paligjshëm në zgjedhjet amerikane

Ish Presidenti Donald Trump, i cili pritet të jetë kandidat i Partisë Republikane në garën për Shtëpinë e Bardhë, thotë se njerëzit po votojnë...

Biden lehtëson rrugën për shtetësi rreth 500.000 çifteve në amerikë

Presidenti amerikan, Joe Biden, ka prezantuar të martën një prej përpjekjeve më të mëdha për t’ua lehtësuar rrugën drejt shtetësisë qindra mijëra migrantëve në...

Lajme të tjera

Web TV