test

“Preva gishtat që mos të këndoja për Enverin”/ Rrëfimi rrënqethës i Tomi Kondakci

113 563 lexime

124,178FansaPëlqeje

Më 30 Maj u realizua një koncert i titulluar “Tingujt e kujtesës” si homazh për 50-vjetorin e revoltës së Spaçit. Artistë, ish të dënuar dhe personalitete morën pjesë në përkujtimin e ngjarjes historike, kryengritjes që iu kundërvu sistemit të kohës.

Artisti Tomi Kondakçi këndoi dhe luajti në kitarë këngën “Së bashku kënduam let it be”, një homazh për të ndjerin Sherif Merdanin. Të dy artistët i bashkon historia e njëjtë e dënimit në Spaç për hir të dëshirës për të kënduar.

I ftuar në “Rudina” në Tv Klan, Tomi rrëfen se muzika e cila sot njihet në botë, konsiderohej e ndaluar në atë kohë. Ai kishte planifikuar arratisjen dhe u arrestua e më pas u dënua për 2 vjet në Spaç dhe prej andej, 10 vjet në Qafën e Barit. Në Spaç pati një moment kur për të mbrojtur parimet e qëndrimin e tij, iu desh të kryente një akt vetëmohimi.

Rudina Magjistari: Është e vërtetë që historia juaj ka një episod të vështirë, por edhe shumë domethënës, shumë të fortë. Ju keni prerë mollëzat e gishtërinjve vetëm për të mos plotësuar një kërkesë për të kënduar një këngë për diktatorin Hoxha në atë kohë?

Tomi Kondakçi: Kjo është e vërtetë. E dinin që, ajo qe në dosje që unë këndoja dhe luaja kitarë. Ishte një mënyrë…Ata gjenin mënyra për të thyer njerëzit. Ishte parim ai për komandën e kampit, operativët e kampit. Një nga ato mënyra ishte dhe kjo. Më kërkuan të luash kitarë, të këndosh një këngë për Enverin në 28-29 Nëntor, festat, por më kërkuan pikërisht këtë gjë. Të thoja jo ishte e pamundur, do merrej  ridënimi se s’bën. Si për t’u shmangur gjeta këtë zgjidhje, të godisja mollëzat dhe një mikut tim, tani ka vdekur, nuk jeton më, i përgjërohem, jo i lutem, por i përgjërohem, do më lëndosh mollëzat por jo sa të mos luaj kitarë. “Nuk e bëj”, dy ditë ky debat me njëri-tjetrin, më në fund ia mbusha mendjen.

Rudina Magjistari: Dhe si u realizua kjo?

Tomi Kondakçi: Në galeri, në minierë, unë vë dorën poshtë dhe me sqepar i godet.

Rudina Magjistari: Vetëm që të mos luaje kitarë.

Tomi Kondakçi: Këta e kuptuan këtë lojë timem dhe pas dy vjetësh më ridënojnë prapë në hakmarrje të asaj që unë bëra.

Të fundit

10% më të lartë se mesatarja, ja kush është shteti me refuzimin më të lartë të vizave

Sipas një studimi të Henley & Partners, Afrika përballet me normat më të larta të refuzimit të vizave për...

Samiti i Paqes për Ukrainën, Spiropali takohet në Zvicër me zv.Presidenten e SHBA-ve

Ministrja e Shtetit për Marrëdhëniet me Parlamentin, Elisa Spiropali është takuar me Zv.Presidenten e Shteteve të Bashkuara të Amerikës, Kamala Harris. Takimi është zhvilluar në...

Trump me deklarata të forta ndaj Zelenskyt: Shitësi më i madh në histori

Presidenti ukrainas Volodymyr Zelensky është "shitësi më i madh në histori. Sa herë që vjen në këtë vend ai largohet me 60 miliardë dollarë....

Udhëheqësit botërorë në Samitin e Paqes për Ukrainën që mbahet në Zvicër, ç’do ndodhë?

Udhëheqësit botërorë në samitin e paqes në Ukrainë që po mbahet në Zvicër, pritet të miratojnë një deklaratë që riafirmon integritetin territorial të Kievit. Më...

Sot Kurban Bajrami, Kryetarja e Kuvendit uron besimtarët: Sakrificën në emër të besimit

Kryetarja e parlamentit të Shqipërisë Lindita Nikolla ka uruar besimtarët myslimanë për festën e Kurban Bajramit. Nikolla shprehet ndër të tjera që sakrificën në emër...

Lajme të tjera

Web TV