test

Basha kërkon votën për drejtimin e PD/ Zyrtarizon kandidaturën një vit pas dorëheqjes

113 563 lexime

124,178FansaPëlqeje

Lulzim Basha zyrtarizoi kandidaturën për të rimarrë drejtimin e partisë demokratike, post nga i cili dha dorëheqjen në mars të vitit 2022 pas gati 9 viteve në opozitë.

Ish kryetari dorëzoi kërkesën mbrëmjen e së martës përmes një emaili, vetëm pak orë para përfundimit të afatit zyrtar.

Basha u rikthye me takime publike pak javë para këtij hapi, ku foli një platformë që e përcaktoi për ndryshimin jo vetëm të PD por të gjithë politikës.

Tha se u largua për ti dhënë një mundësi bashkimit të demokratëve, por tashmë ndarja është më thellë.

Në këto kushte Basha kërkon mbështetësit ti japin me votë një mundësi tjetër për të drejtuar atë që tashmë njihet si Partia Demokratike zyrtare.

Ai do të sfidohet nga Gjergj Hani, një ish i përndjekur politik që po ashtu ka shpallur kandidaturën për drejtimin e partisë demokratike.

Pak orë pasi shpalli kandidaturën, Lulzim Basha publikoi një foto me ish sekretarin amerikan të Shtetit njëherësh ish drejtues i CIAS, Mike Pompeo ne Samitin e 40 vjetorit të Unionit Ndërkombëtar Demokrat.

Me SHBA në krah, ne mund dhe do t’ja dalim të ndryshojmë Shqipërinë dhe të mbrojmë interesat e shqiptarëve kudo ku ata jetojnë, shkruante basha në postim.

Të martën këshilli kombëtar i PD, i bojkotuar nga 17 deputetë, përzgjodhi 8 anëtarët e komisionit zgjedhor të partisë dhe një rezolutë ku mbështetën vendimin e Kryesisë që hapi garën për kryetarin.

Deputetët e grupit parlamentar anëtarë të kryesisë denoncuan mungesë kuorumi, ndërsa kërkuan që procesi i riorganizimit të Partisë Demokratike të nisë nga baza.

Fushata zgjedhore për kryetarin e PD do zhvillohet nga data 24 Qershor deri në datën 27 korrik ndërsa zgjedhjet do të mbahen me 29 Korrik.

Të fundit

Ndërtimi i minierës së litiumit, Financial Times: Vuçiç jep dritën jeshile

Presidenti i Serbisë, Aleksandar Vuçiç, është duke u përgatitur t’i japë Rio Tintos dritën jeshile për ndërtimin e minierës...

10% më të lartë se mesatarja, ja kush është shteti me refuzimin më të lartë të vizave

Sipas një studimi të Henley & Partners, Afrika përballet me normat më të larta të refuzimit të vizave për zonën Schengen në Evropë, me...

Samiti i Paqes për Ukrainën, Spiropali takohet në Zvicër me zv.Presidenten e SHBA-ve

Ministrja e Shtetit për Marrëdhëniet me Parlamentin, Elisa Spiropali është takuar me Zv.Presidenten e Shteteve të Bashkuara të Amerikës, Kamala Harris. Takimi është zhvilluar në...

Trump me deklarata të forta ndaj Zelenskyt: Shitësi më i madh në histori

Presidenti ukrainas Volodymyr Zelensky është "shitësi më i madh në histori. Sa herë që vjen në këtë vend ai largohet me 60 miliardë dollarë....

Udhëheqësit botërorë në Samitin e Paqes për Ukrainën që mbahet në Zvicër, ç’do ndodhë?

Udhëheqësit botërorë në samitin e paqes në Ukrainë që po mbahet në Zvicër, pritet të miratojnë një deklaratë që riafirmon integritetin territorial të Kievit. Më...

Lajme të tjera

Web TV