Tirana vazhdon përgatitjet për dy duelet e raundit të parë në Conference League. Bardheblutë e Orges Shehit do të kenë përballë gjeorgjianët e Dinamo Batumi.
Me sfidën e parë që do të zhvillohet në ”Air Albania” (13 korrik). Një javë më vonë do të luhet takimi i kthimit në “Batumis Dinamos Satsvrtneli Baza”.
Presidenca ka përforcuar skuadrën, duke firmosur deri tani me emra të rëndësishëm si Kaina Nunes, Gentian Selmani, Liridon Latifi, Albi Doka dhe Gledi Mici.
Ndërkohë, drejtuesit janë afër zyrtarizimit të goditjes së radhës. SuperSport mëson se Tirana ka arritur marrëveshjen me Fjoart Jonuzin.
Mesfushori kuksian, ishte pjesë e Vllaznisë në tri sezonet e fundit. 26-vjeçari ka luajtur më parë edhe me Kukësin e Laçin në Superiore. Dhe Gjilanin në Kosovë.
Jonuzi ka gjetur gjuhën e përbashkët me presidentin Refik Halili dhe së shpejti pritet të zyrtarizohet si lojtari më i ri i rekordmenëve të futbollit shqiptar.
