Rënia e euros/ Ibrahimaj: Tregues i forcimit të ekonomisë, akti normativ ndihmon…

113 563 lexime

124,178FansaPëlqeje

Ministrja e Financave dhe Ekonomisë, Delina Ibrahimaj, prezantoi në Kuvend aktin normativ të miratuar nga qeveria për t’i ardhur në ndihmë eksportuesve, që kanë patur pasoja negative nga rënia e euros.

Ministrja e Financave dhe Ekonomisë shtoi se ky akt normativ është vetëm një nga nismat e qeverisë për të ndihmuar këtë kategori biznesi.

Ministrja Ibrahimaj, në nisje të fjalës së saj vuri në dukej se kompanitë shqiptare kanë rritur të ardhurat e tyre. “35.8 % janë më të larta fitimet e kompanive në vitin 2023, në krahasim me vitin 2022. Kemi patur rritje të punësimit dhe reduktim të papunësisë. Këto kanë ardhur si rezultat i ndërhyrjes të herë pas hershme të qeverisë. Të dhënat tatimore për 6-mujorin e parë tregojnë se ka rritje në tregun e punës vijon. 16.2 % janë rritur kontributet. Tregues se ekonomia vijon të jetë e shëndetshme”, tha Ibrahimaj.

Duke folur për forcimin e lekut kundrejt euros, ajo tha se qeveria është ulur të bisedojë me kategorinë e biznesit që preket nga kjo dukuri, që ka dhe anë shumë të mira.

“Sipas të gjitha analizave, forcimi i monedhës vendase është një dukuri që reflekton përmirësimin e strukturës ekonomike të vendit, ka ardhur si pasojë e modelit ekonomik që kemi. Pasja e një kursi fleksibël të këmbimit na ka ndihmuar në të gjitha krizat që kemi patur, për të ruajtur stabilitetin ekonomik. Kriza e fundit që patëm, na tregoi se inflacioni në vend ka qenë më i ulët se në vendet e tjera. Kursi i këmbimit na ka ndihmuar edhe në këtë drejtim”, tha Ibrahimaj.

“Por, disa prej sipërmarrjeve të eksportit janë duke përjetuar një periudhë të vështirë. Që prej muajit prill, Ministria e Financave ndërmori disa takime me shoqatat e biznesit në këtë sektor, me qëllim për të reduktuar sadopak efektin negativ që kjo dukuri ka te kjo kategori biznesi. Biznesi na bëri të qartë se kishte mungesë të theksuar likuiditeti. Në këtë kontekst qeveria mori në shqyrtim pikërisht këtë akt normativ që kemi sot për diskutim”, tha Ibrahimaj.

Sipas saj, përmes aktit normativ, parashikohet që subjektet që eksportojnë mbi 70 % të prodhimit të tyre, nuk do të parapaguajnë këstet e tatimfitimit deri në mars të 2024-ës, dhe këtë pagesë mund ta bëjnë vetëm nëse dalin me fitim, pasi të bëjnë bilancin e tyre vjetor.

Lexo edhe :  Leku, gjithnjë më i fortë/ Hoxholli: Kursi i këmbimit, ndikim në uljen e inflacionit

Konkretisht, ligji “Për tatimin mbi të ardhurat”, parashikon që bilanci kontabël i kompanive, të dorëzohet brenda datës 31 mars të vitit pasardhës. Kësisoj, gjatë periudhës vijuese tatimore, tatimpaguesi parapaguan në llogarinë e organeve tatimore këstet tremujore të tatimit mbi fitimin, brenda datës 30 mars, për muajt janar, shkurt dhe mars; brenda datës 30 qershor, për muajt prill, maj dhe qershor; brenda datës 30 shtator, për muajt korrik, gusht dhe shtator, dhe, brenda datës 30 dhjetor, për muajt tetor, nëntor dhe dhjetor. Në aktin normativ të miratuar nga qeveria, parashikohet që në nenin 1, tatimpaguesit, eksportues të mallrave në regjimin e përpunimit aktiv, të cilët në vitin 2022 kanë eksportuar jo më pak se 70 % të vlerës së përgjithshme të shitjeve, nuk do të paguajnë këstet që parapaguhen në muajt qershor, shtator dhe dhjetor të vitit 2023. Këto pagesa do t’i bëjnë vetëm nëse dalin me fitim në bilancin e fundvitit. Sipas Ibrahimajt, kjo do të rrisë likuiditetin e kësaj kategorie biznesi.

Ministrja Ibrahimaj iu kthye në fund edhe një herë çështjes së forcimit të lekut, duke shtuar se kjo i atribuohet turizmit, remitancave dhe forcimit të ekonomisë shqiptare.

“Dua të theksoj dhe një herë se rënia e kursit të këmbimit është një dukuri që interpretohet në të gjitha të ardhurat shtesë që jemi duke marrë për shkak të aktivitetit të zgjeruar të turizmit, ku shumica e turistëve të huaj vijnë me valutë të huaj, çka ka sjellë që disponueshmëria e valutës së huaj të jetë rritur ndjeshëm. Kjo është e dukshme dhe nga të dhënat e numri të turistëve që kanë hyrë, që është shumë më i ndjeshëm sesa vitet e shkuara. Të ardhurat në valutë kanë ardhur edhe nga rritja e remitancave. Por forcimi i monedhës vendase kundrejt euros vjen edhe si forcim i ekonomisë shqiptare”, përfundoi Ibrahimaj.

Të fundit

FMN ul parashikimin për rritjen ekonomike të Shqipërisë në 2024

Ekonomia shqiptare do të rritet me 3.1% në vitin 2024. Me këtë parshikim, Fondi Monetar Ndërkombëtar, ka ulur pritshmëritë...

“Marrëdhënia Meta-Kryemadhi”/ Ngjela zbërthen skemën: Bashkëpunim kriminal, jo erotik

Analisti Spartak Ngjela ishte i ftuar në emisionin “Breaking” në Top News këtë të enjte. Ai i cilëson pjesë të një loje  deklaratat e fundit...

Pas temperaturave të larta, ky qytet ‘pushtohet’ nga breshëri dhe shiu

Pas temperaturave të larta, zona e Mirditës është përfshirë nga reshjet e dendura të shiut dhe nga breshëri. Pothuaj i gjithë territori i Shqipërisë është...

Tensionet në Lindjen e Mesme, ja parashikimi i frikshëm i Baba Vangës

Mediat e huaja kanë rikthyer profecitë e Baba Vangës për vitin 2024, pas ndezjes së situatës në Lindjen e Mesme. Baba Vanga, e lindur si...

Do të kandidojë për kryeministër? Ja si përgjigjet Agron Duka

Agron Duka, i ftuar në rubrikën “Opinion” në News24, ka komentuar situatën politike në vend dhe situatën brenda opozitës. Ai tha se opozita duhet të...

Lajme të tjera

Web TV