Eksperti i kriminalistikës, Ervin Karamuço ka bërë bilancin e ngjarjeve të rënda kriminale që kanë regjistruar viktima.
Me anë të një statusi në rrjetet sociale, Karamuço ka deklaruar se në vitin 2023 janë regjistruar në total 27 vrasje. Ai ka theksuar se nga vrasje, 10 viktima janë gra.
“Në 7 muajt e parë të këtij viti, kanë ndodhur gjithsej 27 vrasje. Shëmtia e shifrave të këtij viti është se 10 prej viktimave janë gra (përfshirë ngjarjen e sotme në Durrës)”, ka shkruar eksperti i kriminalistikës.
Këtë bilanc, Karamuço e ka bërë pas ngjarjes së sotme në Durrës, ku një 32-vjeçare u gjet e pajetë poshtë Urës së Dajlanit me shenja dhune.
Sipas policisë, e reja kishte humbur jetën për shkak të dëmtimeve të marra në trup nga një mjet prerës.
