Ish-kryeministri Sali Berisha ka hedhur akuza ndaj qeverisë, duke përmendur veçanërisht kryeministrin Edi Rama dhe ministrin e Brendshëm, Taulant Balla.
Ai ka komentuar lajmin e pak ditëve më parë, ku u raportua se janë marrë masa për sigurinë e kreut të SPAK-ut, Altin Dumani.
Sipas Berishës, SPAK-u është vënë nën një presion të tmerrshëm kriminal.
Ai ka ngritur pikëpyetjet duke thënë se sa u vendos Balla në krye të Ministrisë së Brendshme, filluan kërcënimet nga bandat.
“Tani çfarë ndodh? Kanë vënë nën presion të tmerrshëm kriminal SKAP-in. Po kush e kërcënon Altin Dumanin? Sapo ky u bë ministër, filluan bandat ta kërcënojnë? A pret kush që Dumani të hetojë Ballën kur ky i fut kriminelët në katër anët?”, ka thënë ndër të tjera Berisha./ S.M
