Begaj pritet me ceremoni shtetërore në Kazakistan/Vizita e parë e një presidenti shqiptar

113 563 lexime

124,178FansaPëlqeje

Presidenti i Republikës Bajram Begaj i shoqëruar nga Zonja e Parë Armanda Begaj, u prit sot në një vizitë shtetërore në Kazakistan, nga Presidenti i Republikës së Kazakistanit, Kassym-Jomart Tokayev.

Kjo vizitë shënon të parë të një Presidenti nga Shqipëria në Kazakistan, dhe vjen në një kohë kur bëhen 30 vjet nga vendosja e marrëdhënieve diplomatike mes 2 vendeve.

Pas ceremonisë shtetërore të pritjes, të dy presidentët zhvilluan një takim kokë më kokë, që u pasua dhe nga një takim midis dy delegacioneve.

Në një prononcim për mediat, duke vlerësuar marrëdheniet shumë të mira mes dy vendeve, Presidenti Begaj u shpreh se: “Një vëmendje e veçantë iu kushtua edhe bashkëpunimit ekonomik, shkëmbimeve tregtare, gjetjen e mundësive të bashkëpunimit midis dy vendeve në fusha me interes reciprok, siç mund të jenë energjia, infrastruktura, bujqësia apo nxjerrja dhe përpunimi i mineraleve.”

Në funksion të afrimit të mëtejshëm të dy vendeve, Presidenti Begaj tha: “Një çështje me rëndësi tjetër që u diskutua ishte dhe hapja e një Ambasade të Kazakistanit në Shqipëri, e cila u mirëprit nga ana e Presidentit Tokayev.”

Në qendër të vëmendjes gjatë takimeve ishte edhe turizmi. Në këtë kuadër, Presidenti Begaj vlerësoi se “interes tjetër të veçantë pati në drejtim të vendosjes së një linje ajrore të drejtpërdrejtë ndërmjet Kazakistanit dhe Tiranës, e cila do t’i shërbejë turizmit”.

Kreu i Shtetit i bëri ftesën Presidentit Tokayev për të vizituar Shqipërinë.

Gjatë vizitës zyrtare në Kazakistan, Presidenti Begaj u prit në takim edhe nga kryetari i Senatit të Parlamentit, Maulen Ashimbayev.

Presidenti Begaj dhe Ashimbayev folën për rëndësinë që kanë marrëdhëniet parlamentare në afrimin e mëtejshëm të dy vendeve./  S.M

Të fundit

Biden dhe Zelensky firmosin marrëveshjen e sigurisë 10-vjeçare

Joe Biden dhe Volodymyr Zelenskyy kanë nënshkruar një marrëveshje dypalëshe sigurie 10-vjeçare që synon të ofrojë mbështetje për Kievin...

Habit studimi: Një natë pa gjumë mund ta plakë trurin tuaj me dy vite

Një studim i ri ka bërë të ditur se një ditë pa gjumë mund ta plakë trurin tuaj me dy vjet. Për studimin, në...

OKB: Mbushen 1000 ditë prej kur talebanët ndaluan arsimin e mesëm për vajzat

Kanë kaluar një mijë ditë që kur vajzat në Afganistan u ndaluan të ndiqnin arsimin e mesëm, sipas agjencisë së fëmijëve të Organizatës së...

Çifti postoi fotografi me njëri-tjetrin, Egla: Lëre rehat Bardhin!

Çifti Sara-Bardhi, asnjëherë nuk kanë kursyer për publikun fotografi nga përditshmëria e tyre. Sakaq, mbrëmjen e djeshme dyshja ka postuar disa fotografi, në një prej...

Si u realizua aksioni në Zubin Potok që sekuestroi armë e granata

Policia e Kosovës gjatë ditës së sotme ka realizuar një aksion në Zubin Potok pas informacioneve inteligjente se disa persona posedojnë armë ilegale. Si rezultat...

Lajme të tjera

Web TV