Mbreti Charles ka përkujtuar sot përvjetorin nga vdekja e mbretëreshës Elizabeth II, e cila u nda nga jeta një vit më parë në 96-vjeçare.
Në një mesazh të ndier në këtë përvjetor të vdekjes së mbretëreshës, më 8 shtator Monarku përmes një video tha: “ Në këtë përvjetor të parë të Madhërisë së ndjerë, ne kujtojmë me shumë dashuri jetën e saj të gjatë, shërbimin e përkushtuar dhe gjithçka që ajo donte të thoshte për kaq shumë prej nesh”., citon The Telegraph.
Mbreti zgjodhi të publikonte një imazh të Mbretëreshës në vitet e mëparshme të mbretërimit të saj, kur ajo ishte 42-vjeç, ku portreti është marrë nga Sir Cecil Beaton gjatë një takimi zyrtar në Buckingham Palace më 16 tetor 1968. / S.M
Burimet thanë se imazhi u zgjodh pjesërisht sepse pasqyronte ndjenjën e saj të argëtimit dhe “shkëlqimin në sy”.
Në këtë përvjetor, mbreti pritet ta kalojë ditën në heshtje dhe takime private në Balmoral, ku nëna e tij kaloi javët e fundit para vdekjes së saj më 8 shtator 2022 në moshën 96-vjeçare.
