Rehabilitohet blloku i pallateve në Njësinë 3/ Veliaj: Po sistemojmë edhe rrugët përreth

113 563 lexime

124,178FansaPëlqeje

Pesë mijë banorë të bllokut të pallateve pranë shkollës së re “Xhezmi Delli” në Njësinë 3, përfitojnë infrastrukturë më të mirë falë ndërhyrjes së Bashkisë së Tiranës në rrugët “Arben Minga”, “Ali Baushi” dhe “Skënder Kurti”, e cila u emërtua kështu në nder të ish-kampionit dhe ish-trajnerit të kombëtares së boksit, i ndarë nga jeta pak kohë më parë. Investimi përfshin jo vetëm asfaltimin e tyre, por edhe rehabilitimin e mureve rrethuese dhe të fasadave të pallateve, si dhe ndërhyrjet e nevojshme nëntokësore të rrjetit të kanalizimeve.

Kryebashkiaku i Tiranës, Erion Veliaj tha se pas ndërtimit të shkollës së re “Xhezmi Delli”, kjo ndërhyrje do t’i japë vlerë më të madhe pronës së banorëve.

“Jam vërtet krenar për gjithë kantieret që kemi hapur në Njësinë 3. Kur flasim për rehabilitim nuk flasim vetëm për asfalt, por për të gjitha shtresat e nënshtresat, tubacionet për rrjetet, qofshin ato rrjete të ujësjellësit, qofshin kanalizime, ujëra të bardha, ujëra të zeza, fibër optike, energjia etj”, tha ai.

Veliaj kërkoi edhe bashkëpunimin e banorëve. “Dua shumë që të gjejmë bashkëpunim me banoret sepse është shumë e rëndësishme të mbajmë premtimet tona, por është po aq e rëndësishme që edhe banorët të na japin një dorë kur është fjala për të tërhequr pak avllinë, në mënyrë që të përfitojmë trotuare për të gjithë.

Njerëzit duhet të kuptojnë se infrastruktura e re do sjellë më shumë trafik, do ketë më shumë lëvizshmëri sesa një vend me baltë e gurë, por ama, që kjo lëvizshmëri të jetë e sigurt, na duhet një trotuar mbrojtës.

Kjo bëhet fillimisht për ata që jetojnë këtu, nuk bëhet as për parti, as për bashki. Kjo bëhet për banorët që jetojnë këtu,” deklaroi ai.

Kryebashkiaku ftoi banorët të përfitojnë nga Fondi i Komunitetit, të përfitojnë 50% të vlerës së investimit për të ndryshuar fasadat e pallateve të vjetra të zonës.

Lexo edhe :  Shqipëria po plaket, grupmosha mbi 60 vjeç zuri një të tretën e popullsisë në 2024

“Veshja e një fasade nuk bëhet vetëm për estetikë, por edhe për çështje të kursimit të faturës energjetike.

Për familjet në nevojë, kontributin e paguan bashkia, – pra, jep 50% plus edhe për ata që s’kanë mundësi, – ama kush ka mundesi, të bëhet mukajet dhe të aplikojë në Fondin e Komunitetit, që syri të shohë asfalt dhe urbanistikë edhe në nivelin horizontal, por edhe kur ngre kokën lart”, u shpreh ai. /   S.M

Të fundit

“Me Rusinë nuk kemi përparim”, amerikanët zhgënjehen me Putin

Sekretari i Shtetit, Marco Rubio, shprehu zhgënjimin e tij, pasi Shtetet e Bashkuara nuk kanë bërë më shumë përparim...

100 mln euro për sulmuesin e Bundesligës, Liverpool nuk ndalet në merkato

Pas gjermanit Florian Wirtz, Liverpool është gati për një tjetër transferim big. Edhe kësaj here, brenda kampionatit gjerman. Mediat angleze raportojnë se "The Reds" po...

Tre njerëz u kujtuan në të njëjtën ditë, kush po e sulmon Lapajn?

Në harkun e dy orëve, sot u publikuan tri lajme në disfavor të Lëvizjes "Shqipëria Bëhet" dhe drejtuesit të saj, Adriatik Lapaj. Lajmi i parë:...

Ankesa e re e Metës: Më është ndaluar për 14 ditë aktiviteti fizik!

Ish-presidenti dhe kreu i Partisë së Lirisë, Ilir Meta ka njoftuar për një dënim të ri disiplinor ndaj tij në ambientet e burgut “Jordan...

Tiranë, flakët ‘pushtojnë’ shtëpinë e legjendës Selman Stërmasi

Një zjarr i përmasave të konsiderueshme përfshiu sot një banesë të vjetër në zemër të kryeqytetit, pranë zonës së “Pazarit të Ri”. Falë ndërhyrjes...

Lajme të tjera

Web TV