Ushqimi i mirë, i freskët nuk duhet të kënaqë vetëm shqisat e të shijuarit, por njëherësh duhet të jetë garanci për standardet e vlerave ushqimore, ato të ruajtes së produkteve, mënyrës së shitjes, etj.
Ekspertët e sigurisë ushqimore flasin për katër produktet që nuk duhet t’i blini kurrë në supermarkete dhe ja arsyet pse:
Qumësht i papasterizuar
I njohur si qumështi i papërpunuar, ky produkt nuk ka kaluar në një proces ngrohjeje që vret patogjenët, zgjat jetëgjatësinë dhe e bën pijen më të sigurt për konsum.
Si rezultat, qumështi i papërpunuar mund të mbushet me mikrobe të dëmshme si salmonela, E. Coli apo listeria që janë burim sëmundjeje.
Produkte që kanë mbirë
Sipas ekspertëve, nuk duhet të qëndroni larg perimeve ( panxhari apo lakra), por ka disa syresh prej tyre që mund të lëshojnë filiza, pra të mbijnë edhe gjatë qëndrimit në supermarket.
Ky ushqim mund të jetë burim i baktereve të dëmshme si E. coli dhe salmonela, ndaj është e rëndësishme që t’i lani para se t’i konsumoni.
Mundësia që kontaminimi të ndodhë nuk është aq i madh, por është më shumë një rrezik i moderuar, ndaj ekspertët sugjerojnë shmangien e blerjes së tyre në supermarkete.
Ushqime të prera
Nëse do të hani produkte të prera paraprakisht, keni të njëjtin rrezik helmimi si me të gjitha ushqimet e tjera. Kjo sepse ju nuk e dini se çfarë ka bërë shitësi pas banakut gjatë prerjes së ushqimeve.
Ushqimi i paketuar, sipas ligjit, duhet të kalojë nëpër një proces të rreptë, por ushqimi që shitet i hapur dhe i prerë paraprakisht është shumë i rrezikshëm. Ekspertët thonë që gjithçka duhet të lahet përpara konsumit dhe të ruhet në frigorifer për të garantuar standardet e sigurisë.
Ushqime të nxehta
Kur bëhet fjalë për vende ku shitet apo shërbehet ushqim i nxehtë, ekspertët priren të shikojnë kushtet se ku ruhet ushqimi i përgatitur mbi atë që ofrohet në të vërtetë.
Rregulli numër një: I gjithë ushqimi duhet të mbahet në një temperaturë normale për të eliminuar mundësinë e kontaminimit.
Një detaj tjetër që duhet konsideruar është edhe vendi ku mbahet, ku ekspertët sigurohen që xhami ku shërbehet është i pastër dhe shmang kontaktin direkt me blerësit, që mund të kolliten apo teshtijnë para pjatave./ S.M
