Të shtëna me armë zjarri raportohen të kenë ndodhur pak çaste më parë në Tiranë. Burime paraprake bëjnë të ditur se ngjarja ka ndodhur në rrugën Hysen Gjura, në zonën e Porcelanit.
Po sipas të dhënave të para, një person ende i pa identifikuar ka qëlluar në drejtim të një efektivi policie duke e lënë të plagosur.
Në një reagim paraprak për mediat, Ministria e Brendshme tha se polici u plagos gjatë kohës që patrulla e Shqiponjave po ndiqte një person të dyshimtë.
“Ndërsa Policia e Shtetit vijon kontrollin për personat në kërkim, një patrullë e repartit “Shqiponja” në ndjekje të një personi të dyshimtë është qëlluar nga ky person dhe për pasojë ka mbetur i plagosur punonjesi i policisë E.A. Punonjësi i Policisë është në sallën e operacionit, ndërsa Policia është vënë në ndjekje të autorit.”/kb
