“Lufta” verbale në OKB me Rusinë/ Çupi: Çfarë dëshmoi Rama në fjalimin e tij

113 563 lexime

124,178FansaPëlqeje

Shqipëria për herë të parë drejtoi një takim të nivelit të lartë të Këshillit të Sigurimit të OKB, që pati në fokus agresionin rus në Ukrainë.

Në nisje të seancës ambasadori rus replikoi me drejtuesin e mbledhjes, kryeministrin e Shqipërisë, Edi Rama duke kërkuar të mos i jepej fjala presidentit ukrainas.

Analisti i njohur Frrok Çupi, tha se kryeministri Edi Rama i dëshmoi sy për sy Moskës se e drejta është në anën e Ukrainës.

I pyetur se çfarë dëshmoi kjo ngjarje e madhe për Shqipërinë, Çupi dha këtë përgjigje në studion e Tirana Live në Abc News.

“Pesha e këtij eventi vjen njëherë në 100 vjet. Kjo që ndodh midis kryeministrit në rolin e presidentit të Këshillit të Sigurimit me përfaqësinë e Rusisë ishte dëshmi e asaj, që shtetet nuk maten nga sipërfaqet, nga ushtritë, nuk varen nga kapacitete të gjerësive gjeografike, por shtetet varen nga e drejta.

Rama dëshmoi sy për sy me Moskën se e drejta qëndron tek ajo pjesë ku mbanë anë edhe Shqipëria, me të cilën janë SHBA, shtetet e Evropës dhe shtete e përparuara të qytetërimit botëror.

Ishte radha ku fuqitë shtetërore të botës mbajtën krahun e duhur, pro Ukrainës dhe kundër agresionit të Rusisë. Këtë gjë vërtetoi qëndrimi i Edi Ramës, por ndërkohë vërtetoi se sot punët e mëdha varen shumë nga individi”, tha ai.

Sa i takon debatit të së mërkurës në OKB, analisti tha se Rusia manifestoi krizën e vjetër duke dëshmuar se politika e saj bazohet tek forca.

Ai shtoi se në përballjen e djeshme u dëshmua se politika e së drejtës fiton përballë agresionit dhe gjuhës së forcës.

“Përfaqësuesi i Rusisë manifestoi krizën e vjetër. Rusia është mësuar me një edukim shtetëror sovjet dhe përballë elegancës së fjalës, Rusia përgjithësisht ka shfaqur forcën.

Lexo edhe :  Beleri reagon nga burgu! Kryetari i zgjedhur i Himarës hedh akuza për kryeministrin

Gjatë gjithë punimeve u manifestua politika e forcës dhe politika e së drejtës, dhe përgjithësisht fitoi politika e të drejtës.

Rusia tentoi ta konsiderojë Shqipërinë të vogël. Rusia deshi të thoshte se kush jeni ju, dhe tani Rusia ndodhet e vendosur me shpatulla pas murit, jo thjesht nga Ukraina, por e nga gjithë bota, e cila po kërkon që Rusia të çlirojë Evropën dhe botën nga konflikti”, tha ai.

Ai u shpreh se me paraqitjen e djeshme në OKB, Shqipëria dëshmoi dhe fitoi një diplomaci të lartë duke u rreshtuar hapur krah vlerave kryesore botërore./   S.M

Të fundit

Arsenal shkatërron Lensin në “Emirates”, francezët të pafuqishëm përballë “Topçinjve”

Arsenali fiton me rezultat tenistik 6-0 ndaj Lensit në kuadër të xhiros së pestë në Ligën e Kampionëve në...

Champions League/ Napoli i pafuqishëm ndaj Real Madrid, Inter “ringjallet” ndaj Benficas

Inter ia del të shmangë humbjen në Lisbonë përballë Benficës edhe pse pjesën e parë e mbyllën me rezultatin 0-3. Zikaltërit reaguan në fraksionin...

Pengesa e Elon Musk për të qenë lider botëror, vetvetja

Nga BRIAN FUNG, CNN – Elon Musk është kthyer në një lojtar gjithnjë e më të rëndësishëm në çështjet globale. Themeluesi i SpaceX ka qenë...

Djali i themeluesit të Hamasit bën thirrje për vrasjen e liderëve të grupit

Djali i themeluesit të Hamasit bën thirrje për vrasjen e liderëve të grupit, përfshirë babanë e tij Në një video prej më shumë se...

Kryevepra që u kthye në meme

“The Laughing Valier”, piktura e vitit 1624 është ekspozuar së fundmi në Galerinë Kombëtare të Londrës. “Kur hyra brenda dhe e pashë, mbeta i shtangur”,...

Lajme të tjera

Web TV