test

Lavrov sulmon Shqipërinë/ kundër kandidaturës sonë për Këshillin e të Drejtave të Njeriut

113 563 lexime

124,178FansaPëlqeje

Në një kohë kur Shqipëria ka marrë për herë të dytë Presidencën e Këshillit të Sigurimit në Kombet e Bashkuara dhe vendi ynë po garon për të marrë edhe drejtimin e Këshillit të të Drejtave të njeriut, Moska duke e frikësuar nga angazhimi i Tiranës zyrtare për të diskutuar gjithnjë e më shumë mbi agresionin e paligjshëm të Rusisë në territorin ukrainas.

Ministri i Jashtëm rus, Sergei Lavrov i ka kërkuar Sekretarit të Përgjithshëm të OKB-së, Anthony Guterrez që të parandalojë përfshirjen e zyrtarëve të ndryshëm që përfaqësojnë struktura të OKB-së në nisma të politizuara në kontekstin e krizës në Ukrainë.

Ky njoftim u bë nga Ministria e Jashtme Ruse pas një takimi që ministri i Jashtëm i Kremlinit, Sergei Lavrov pati me Sekretarin e Përgjithshëm të OKB-së Antonio Guterres në margjinatat e Asamblesë së Përgjithshme të Organizatës së Kombeve të Bashkuara.

Reagimi i Rusisë erdhi vetëm një ditë pasi kryeministri shqiptar Edi Rama, nën rolin e presidentit të mbledhjes së Këshillit të Sigurimit në OKB u përplas me ambasadorin rus sa i përket axhendës ku ishte planifikuar edhe një fjalim i presidentit ukrainas Volodymyr Zelensky, i cili ndodhej për herë të parë fizikisht në OKB që prej nisjes së luftës në një mbledhje të organizuar nga Shqipëria.

Ishte pikërisht kryeministri Rama i cili përgjatë kësaj mbledhje kushtëzoi ambasadorin rus në OKB duke i thënë të ndalte luftën në Ukrainë dhe atëherë presidenti ukrainas Volodymyr Zelensky nuk do të fliste.

Marrja e presidencës së Këshillit të Sigurimit në Organizatën e Kombeve të Bashkuara dhe organizmi i një mbledhje nga Shqipëria që bëri jehonë në mediat ndërkombëtare me sa duket i ka lënë një shije të hidhur Moskës, e cila ka kërkuar tanimë që diskutimet mbi Ukrainën të kufizohen jo vetëm brenda Këshillit të Sigurimit por në të gjitha strukturat e OKB-së./I.S

Të fundit

Gëzim Baruti ngjall babanë e esseistikës Mishel dë Montenj me një shqipe të kulluar

Nga Shpendi Topollaj Emrin e Mishel dë Montenjit e kam dëgjuar së pari falë një rastësie fatkeqe. Ishte koha e...

Komprometimi kulturor

Ese nga: Bujar Meholli Modalitetet kitsch që ofron shoqëria bashkëkohore, thellësisht komercialiste, lënë peng kulturën, intelektin, dhe e zgjasin amullinë. Javë më parë ishte...

Vula e PD-së, ribashkim i së djathtës apo parti të reja?

Saga e vulës dhe e logos së Partisë Demokratike të Shqipërisë u përmbyll me vendimin e Gjykatës së Apelit. Ajo vendosi më 11 qershor...

Non- grata/ Berisha merr vulën, SHBA i “vë vulën”

Ambasada e Shteteve të Bashkuara në Tiranë ka ritheksuar qëndrimin e saj lidhur me Sali Berishën, duke konfirmuar se statusi i tij si non-grata...

Lajme të tjera

Web TV