Aleksandër Meksi është ish-kryeministri i qeverisë së parë demokratike dhe një nga themeluesit e Partisë Demokratike.
Ai qeverisi vendin duke filluar nga data 13 prill 1992 deri më 11 mars 1997.
Që nga ajo kohë ish-kryeministri Meksi ka qëndruar shumë i shkëputur nga angazhimet politike, por nuk i ka kursyer kritikat në media ndaj mënyrës së qeverisjes Berisha deri më sot.
Duke iu referuar situatës së fundit politik në vend, Meksi ka ndarë me ndjekësit në rrjetet sociale, disa thenje të filozofit të madh, Karl Popper, i cili vë theksin tek vlerat e demokracisë dhe se si qeveritarët e këqinjë dhe të paaftë duhen ndaluar të mos bëjnë dëme.
Një ndër pyetjet më të rëndësishme që duhet ti bëj vetes kush ka për zemër vlerat e demokracisë është: “si duhet kontrolluar kush na komandon?” edhe më saktë: “si mund të organizojmë institucionet politike në mënyrë që të mund të ndalojmë qeveritarët e këqij apo të paaftë të bëjnë shumë dëme”./E.T
