Në këto momente janë duke u mbajtur homazhe në sheshin “Nënë Tereza” për policin e rënë në krye të detyrës, Afrim Bunjaku.
Aktivistë të shoqërisë civile, tifozët Kuq e Zi dhe dhjetëra qytetarë po ndezin qirinj në nderim të Bunjakut.
Efektivi i policisë së Kosovës u vra në orët e para të mëngjesit të së dielës në Banjskë të Zveçanit.
Ai u qëllua me armë nga një grup prej 30 personash që kishin hyrë në territorin e Kosovës dhe që u përplasën me policinë.
