Ngjarja e ndodhur ditën e djeshme në veri të Kosovës, ku u vra efektivi Afrim Bunjaku nga një grup serb i armatosur, ka sjellë reagime të shumta në rrjet.
Lidhur me këtë ngjarje ka reaguar edhe Rigles Rajku, i njohur si Noizy, i cili jo vetëm që i ka shprehur ngushëllimet familjes dhe miqve po është shprehur i gatshëm në rast se është nevoja që t’i bashkohet ushtrisë së Kosovës kundër serbëve.
“Zot mos na provo…por nëse duhet jemi gjithmonë të gatshëm. Jam shumë i sigurt”, shkroi Noizy në një postim në “Instastory”.
Një ditë pas vdekjes, policit të vrarë nga terroristët serbë, Afrim Bunjaku, i është dhënë urdhri “Hero i Kosovës”.
Presidentja Vjosa Osmani tha me këtë rast se rreshteri policor, Afrim Bunjaku, ra në mbrojtje të rendit, ligjit, integritetit territorial dhe sovranitetit të Republikës së Kosovës.
Ndërkohë Policia e Kosovës ka vrarë 4 nga agresorët në komunën e Lepasoviqit.
