Të martën, Gjykata e Lartë ka rrëzuar për herë të dytë kërkesën e Fredi Belerit për masë më të butë sigurie. Me këtë vendim kryebashkiaku i zgjedhur i Himarës, do të vijojë të qëndrojë në burg, për akuzën e shitblerjes së votës.
Më herët Gjykatat e Posaçme, në të dyja shkallët e saj, ka rrëzuar kërkesat e kryebashkiakut të zgjedhur më 14 maj teksa mbahej në paraburgim. Beleri u arrestua dy ditë para zgjedhjeve të 14 majit ku doli edhe fitues për Bashkinë e Himarës.
Ai ra në pranga pasi u akuzua për shitblerje votash.
Sipas SPAK-ut, arrestimi i tij erdhi pas një denoncimi në prokurori ku pretendohej se Beleri ofronte 40 mijë lekë për të blerë 8 vota./ S.M
