Ditën e sotme Kristi ka qenë i ftuar tek “Shqipëria Live” ku ka zbuluar më shumë rreth projekteve dhe lidhjes së tij të re.
Pak ditë më parë ai zbuloi se është në një lidhje dhe se vajza që ia ka marrë zemrën, është shqiptare, brune, studion në Angli dhe është shumë ndryshe nga vajzat e tjera ‘tipike shqiptare’.
Kristi ka treguar se lidhja e tij e re po shkon shumë mirë dhe se çdo gjë ka marrë një drejtim serioz pasi personazhi i njohur televiziv ka takuar edhe prindërit e saj.
Dhë ndërkohë që ka përmendur faktin që ka takuar prindërit e të dashurës, Arjon Muça e ka ngacmuar duke i pyetur nëse prindërit i ka takuar brenda apo jashtë Bigi-ut?
Pavarësisht se kjo batutë është shoqëruar me të qeshura, Kristi ka thënë: “Dëgjo se këtë e kam traumë, që ekziston brenda meje ajo situata që u krijua tek Big-u”.
“Me ardhjen e Sabianit, e ke fjalën”, pyet Erjona.
“Absolutisht”, përgjigjet Kristi.
“Po pse është një traumë?“, pyet Erjona
“Eshtë traum sepse përfshihet një gjë më shumë se sa një dalje në skenë ose një lojë. Implikohet një marrëdhënie, bëhet shumë komplekse pastaj babai i të dashurës tënde është një figurë autoritare, vëzhguese, kritike dhe që do gjithmonë më të mirën e vajzës.
Kështu që, në këtë aspekt, babai i të dashurës është një figurë e frikshme sepse në një farë mënyrë me atë bën luftë por ky nuk është rasti i Sabianit”, shprehet Kristi.
Ndërkohë që të dy drejtuesit e programit kanë vlerësuar sjelljen e Sabianit dhe të Kristit brenda shtëpisë në atë moment delikat, Kristi ka shtuar: “Narcizmi brenda meje mund të thoshte që e krijova unë atë situatë por edhe nga ana tjetër, përfunduan gjërat shumë mirë“./ S.M
